Maharastra: నాపై నిఘా.. కాంగ్రెస్‌ చీఫ్‌ ఆరోపణ - maharashtra congress chief nana patole accuses mva allies
close
Published : 12/07/2021 19:08 IST
Facebook Share Twitter Share WhatsApp Share Telegram Share Link Share

Maharastra: నాపై నిఘా.. కాంగ్రెస్‌ చీఫ్‌ ఆరోపణ

ముంబయి: మహారాష్ట్రలోని మహా అఘాఢీ ప్రభుత్వం (MVA)లో లుకలుకలు మరోసారి బయటపడ్డాయి. తాజాగా కూటమిలో ఒకటైన కాంగ్రెస్‌ పార్టీ రాష్ట్ర అధ్యక్షుడు నానా పటోలే.. సీఎం, డిప్యూటీ సీఎం, హోంమంత్రిపై విమర్శలు గుప్పించారు. తనపైనా, తన పార్టీ నేతలపైనా గూఢచర్యానికి పాల్పడుతున్నారని ఆరోపించారు. పార్టీ కార్యకర్తలతో జరిగిన సమావేశంలో ఆయన మాట్లాడుతూ ఈ వ్యాఖ్యలు చేశారు.

సీఎం ఉద్ధవ్‌ ఠాక్రే, డిప్యూటీ సీఎం అజిత్‌ పవార్‌, హోంమంత్రి దిలీప్‌ వాస్లే రోజూ ఉదయం 9 గంటలకు సమావేశమై కాంగ్రెస్‌ నేతల సమావేశాలు, వారి వ్యాఖ్యలపై సమాచారం తెప్పించుకుంటున్నారని నానా పటోలే ఆరోపించారు. తన ఫోన్‌ను సైతం ట్యాప్‌ చేయిస్తున్నారని ఆరోపించారు. తాను ఎక్కడికెళ్లినా, ఏం మాట్లాడినా ఆ వివరాలు వెంటనే సీఎం, డిప్యూటీ సీఎం, హోంమంత్రికి చేరిపోతున్నాయని చెప్పారు. కాంగ్రెస్‌ పార్టీ ఎదుగులను సహించలేకే కొందరు ఇటువంటి చర్యలకు పాల్పడుతున్నారని ఆరోపించారు. 2016-19 మధ్య తన ఫోన్‌ ట్యాపింగ్‌ గురైందంటూ పటోలే గతంలో ఆరోపించారు. ఈ అంశంపై ఇటీవల ప్రభుత్వం ఓ కమిటీని కూడా ఏర్పాటు చేసింది. ఈ నేపథ్యంతో ఇప్పుడు సొంత ప్రభుత్వంపైనే పటోలే ట్యాపింగ్‌ ఆరోపణలు చేయడం గమనార్హం.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని