England: ఆ జట్టుది ‘బ్లాక్‌ లైవ్స్‌ మ్యాటర్‌’లా లేదు   - michael holding criticised england cricket team in terms of moment of unity gesture against racism
close
Published : 13/06/2021 01:11 IST
Facebook Share Twitter Share WhatsApp Share Telegram Share Link Share

England: ఆ జట్టుది ‘బ్లాక్‌ లైవ్స్‌ మ్యాటర్‌’లా లేదు 

ఇంగ్లాండ్‌ టీమ్‌పై మైఖేల్‌ హోల్డింగ్‌ విమర్శలు..

ఇంటర్నెట్‌డెస్క్‌: ప్రస్తుతం న్యూజిలాండ్‌తో జరుగుతున్న టెస్టు సిరీస్‌లో ఇంగ్లాండ్ క్రికెట్ జట్టు ‘ఆటగాళ్ల ఐకమత్యం’ కోసం కట్టుబడి ఉంటామని చెప్పే ఉద్దేశంలో సరైన మద్దతు లేదని వెస్టిండీస్ దిగ్గజం మైఖేల్ హోల్డింగ్ అభిప్రాయపడ్డారు. అది ‘బ్లాక్ లైవ్స్ మ్యాటర్‌’ ఉద్యమానికి మద్దతు ఇస్తున్నట్లు లేదని, ‘ఆల్ లైవ్స్‌ మ్యాటర్’ అని మరో అర్థం వచ్చేలా ఉందని విమర్శలు చేశారు. గతేడాది అమెరికాలో జార్జ్‌ ఫ్లాయిడ్‌ మృతి ఘటనతో ప్రపంచ వ్యాప్తంగా జాతి వివక్షకు వ్యతిరేకంగా ‘బ్లాక్‌ లైవ్స్‌ మ్యాటర్‌’ అనే ఉద్యమం ఊపందుకుంది.

ఈ క్రమంలోనే క్రికెట్‌లోనూ ఆటగాళ్ల మధ్య జాతి వివక్షకు తావు లేదని ఇంగ్లాండ్‌, వెస్టిండీస్‌ ఆటగాళ్లు అప్పట్లో ప్రమాణం చేశారు. అప్పుడు జాతి విద్వేషం, మతపరమైన అంశాలు, లైంగిక సంబంధిత వాటికి దూరంగా ఉంటామని పేర్కొన్న జెర్సీలను ఇంగ్లాండ్‌ ఆటగాళ్లు ధరించారు. అయితే, ఇటీవల పలువురు ఇంగ్లాండ్‌ ఆటగాళ్లు విద్వేష పూరిత  ట్వీట్లు చేశారనే ఆరోపణలు రావడంతో అది మళ్లీ తెరపైకి వచ్చింది. ఈ క్రమంలోనే తాజాగా ఓ క్రీడాఛానెల్‌తో మాట్లాడిన హోల్డింగ్‌.. ‘‘ఆటగాళ్ల ఐకమత్యం కోసం ఇంగ్లాండ్‌ ఆటగాళ్లు ఇప్పుడు చేస్తున్న ప్రతిజ్ఞ ‘బ్లాక్‌ లైవ్స్‌ మ్యాటర్‌’కు అనుకూలంగా లేదు. వాళ్లు చేసేది ఎలా ఉందంటే.. నేను ‘బ్లాక్‌ లైవ్స్‌ మ్యాటర్‌’ అని చెప్తుంటే నువ్వు ‘ఆల్‌ లైవ్స్‌ మ్యాటర్‌’ అనేలా ఉంది’ అని విండీ దిగ్గజం పేర్కొన్నాడు.

ఈ విషయంలో ఇంగ్లాండ్‌ ఫుట్‌బాల్‌ ఆటగాళ్లను మెచ్చుకోవచ్చని హోల్డింగ్‌ ప్రశంసించారు. ఇటీవల యూరో ఛాంపియన్‌షిప్‌ సందర్భంగా ఆ జట్టు ఆటగాళ్లు, మేనేజర్‌ గారెత్‌ సౌత్‌గేట్‌ సైతం మ్యాచ్‌లు ప్రారంభమయ్యేముందు మోకాళ్లపై నిల్చొని మద్దతు తెలిపారన్నాడు. ఇందుకు కొంత మంది అభిమానుల నుంచి వ్యతిరేకత వ్యక్తమైనా వారు ఆటగాళ్ల ఐకమత్యానికి కట్టుబడి ఉన్నారన్నాడు. అలాగే తాను ‘బ్లాక్‌ లైవ్స్‌ మ్యాటర్‌’ ఉద్యమానికి కట్టుబడి ఉంటానని వెస్టిండీస్‌ మాజీ చెప్పుకొచ్చాడు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని