Defamation Case: బాలీవుడ్‌ నటి కంగనకు ముంబై కోర్టు వార్నింగ్‌  - mumbai court warns kangana in akhtars defamation case
close
Published : 27/07/2021 21:55 IST
Facebook Share Twitter Share WhatsApp Share Telegram Share Link Share

Defamation Case: బాలీవుడ్‌ నటి కంగనకు ముంబై కోర్టు వార్నింగ్‌ 

ముంబయి: పరువు నష్టం కేసులో విచారణకు హాజరుకాని బాలీవుడ్‌ నటి కంగనా రనౌత్‌కు ముంబై కోర్టు వార్నింగ్‌ ఇచ్చింది. ఇదే ఆఖరి అవకాశమని.. తదుపరి విచారణకు వ్యక్తిగతంగా హాజరుకాకపోతే బుయిలబుల్‌ వారెంట్‌ జారీచేస్తామని అంధేరిలోని మెట్రోపాలిటన్‌ న్యాయస్థానం మెజిస్ట్రేట్‌ హెచ్చరించారు. బాలీవుడ్‌ నటుడు సుశాంత్‌ సింగ్‌ రాజ్‌పూత్‌ మరణం కేసులో తన పరువుకు నష్టంకలిగించేలా కంగన వ్యాఖ్యలు చేశారంటూ ప్రముఖ గేయ రచయిత జావేద్‌ అక్తర్‌ ఆమెపై పరువు నష్టం కేసు వేసిన విషయం తెలిసిందే. 

ఈ నేపథ్యంలో దాఖలైన పిటిషన్‌పై ముంబయిలోని అంధేరి మెట్రోపాలిటన్‌ కోర్టులో మంగళవారం విచారణ జరిగింది. ఈ విచారణకు కంగన వ్యక్తిగతంగా హాజరుకావాల్సి ఉన్నప్పటికీ.. విదేశాల్లో ఉన్నందున రాలేకపోయారని ఆమె తరఫు న్యాయవాది కోర్టుకు తెలిపారు. వ్యక్తిగతంగా హాజరు నుంచి  మినహాయింపు కోరగా.. జావేద్‌ అక్తర్‌ తరఫు న్యాయవాది జయ్‌ భరద్వాజ్‌ అభ్యంతరం తెలిపారు. ఆమెకు బెయిలబుల్‌ వారెంట్‌ జారీచేయాలని న్యాయస్థానాన్ని కోరారు. దీంతో ఇరు వైపుల వాదనలు విన్న న్యాయమూర్తి.. కొవిడ్‌ నిబంధనలను దృష్టిలో ఉంచుకొని ఆమెకు ఈరోజు విచారణకు వ్యక్తిగత హాజరు నుంచి మినహాయింపు ఇచ్చారు. బెయిలబుల్‌ వారెంట్‌ జారీచేయాలన్న జావేద్‌ తరఫు న్యాయవాది అభ్యర్థనను తోసిపుచ్చారు. అయితే, ఈ కేసు తదుపరి విచారణకు హాజరుకావడంలో ఆమె విఫలమైతే మాత్రం బెయిలబుల్‌ వారెంట్‌ జారీచేస్తామని హెచ్చరించారు. అనంతరం ఈ కేసు విచారణను సెప్టెంబర్‌ 1కి వాయిదా వేశారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని