‘ఉప్పెన’కు రాకపోవడానికి కారణమదే: నాగబాబు - nagababu about uppena pre release event
close
Published : 20/02/2021 11:52 IST
Facebook Share Twitter Share WhatsApp Share Telegram Share Link Share

‘ఉప్పెన’కు రాకపోవడానికి కారణమదే: నాగబాబు

హైదరాబాద్‌: మెగా కాంపౌండ్‌ నుంచి ఎవరైనా కొత్త హీరో ఇండస్ట్రీలోకి అడుగుపెడుతున్నారంటే అతన్ని సపోర్ట్‌ చేయడానికి కుటుంబమంతా కలిసి ప్రీరిలీజ్‌, ఆడియో వేడుకలకు రావడం ఎన్నో సందర్భాల్లో తెలుగు ప్రేక్షకులు చూశారు. అయితే, కొన్నిరోజుల క్రితం జరిగిన ‘ఉప్పెన’ ప్రీ రిలీజ్‌ ఈవెంట్‌కు మెగాస్టార్‌ చిరంజీవి మాత్రమే ముఖ్య అతిథిగా హాజరై నటీనటులు, చిత్రబృందానికి అభినందనలు తెలిపారు. చిత్రబృందంపై ప్రశంసల జల్లు కురిపించారు. ప్రీరిలీజ్‌ వేడుకకు తమ కుటుంబానికి చెందిన హీరోలు హాజరు కాకపోవడానికి గల కారణాన్ని నాగబాబు వెల్లడించారు.

‘‘ఉప్పెన’ ప్రీరిలీజ్‌ వేడుకకు మా కుటుంబమంతా రాకపోవడానికి ప్రత్యేకమైన కారణమంటూ ఏమీ లేదు. వైష్ణవ్‌ని సోలోగానే ప్రెజెంట్‌ చేయాలని మేము అనుకున్నాం. అందుకే మా ఫ్యామిలీ నుంచి అన్నయ్య తప్ప మరెవరూ ప్రీ రిలీజ్‌ ఈవెంట్‌కు రాలేదు. ఆఖరికి వైష్ణవ్‌ తేజ్‌ సోదరుడు సాయిధరమ్‌ తేజ్‌ కూడా ఆ వేడుకల్లో భాగం కాలేదు. మా అందరికీ మార్గదర్శి అన్నయ్యే కాబట్టి ఆయనే ఆ ఫంక్షన్‌కు ముఖ్యఅతిథిగా వెళ్లారు’ అని నాగబాబు ఇటీవల వివరించారు. ‘ఉప్పెన’ విడుదలయ్యాక ప్రమోషన్స్‌లో భాగంగా బయటకు వచ్చిన మెగా కజిన్స్‌ స్పెషల్‌ చిట్‌చాట్‌ వీడియో ప్రేక్షకులను అలరించింది. ఇటీవల జరిగిన ఈ సినిమా విజయోత్సవ వేడుకల్లో రామ్‌చరణ్‌ సందడి చేసిన విషయం తెలిసిందే.

ఇక, సినిమా విషయానికి వస్తే ప్రేమికుల దినోత్సవాన్ని పురస్కరించుకుని ఫిబ్రవరి 12న ‘ఉప్పెన’ ప్రేక్షకుల ముందుకు వచ్చింది. వైష్ణవ్‌ తేజ్‌, కృతిశెట్టి జంటగా నటించిన ఈ చిత్రాన్ని బుచ్చిబాబు తెరకెక్కించారు. ఫీల్‌గుడ్‌ లవ్‌ స్టోరీగా విడుదలైన ఈ సినిమా మంచి వసూళ్లను రాబట్టి  బాక్సాఫీస్‌ వద్ద దూసుకెళ్తోంది.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని