Mamata Banerjee: మన్‌కీ బాత్‌ వద్దు.. పెట్రోల్‌పై మాట్లాడండి..! - need petrol ki baat not mann ki baat mamata banerjee to pm modi
close
Updated : 08/07/2021 10:49 IST
Facebook Share Twitter Share WhatsApp Share Telegram Share Link Share

Mamata Banerjee: మన్‌కీ బాత్‌ వద్దు.. పెట్రోల్‌పై మాట్లాడండి..!

కోల్‌కతా: దేశంలోని చాలా ప్రాంతాల్లో పెట్రోల్‌ ధర రూ.100 మార్కును దాటిన నేపథ్యంలో ప్రధాని నరేంద్ర మోదీపై పశ్చిమ బెంగాల్‌ ముఖ్యమంత్రి మమతా బెనర్జీ విరుచుకుపడ్డారు. బుధవారం నిర్వహించిన విలేకరుల సమావేశంలో ఆమె మాట్లాడారు. మన్‌కీ బాత్‌ స్థానంలో ప్రధాని పెట్రోల్, వ్యాక్సిన్‌కీ బాత్‌ నిర్వహించాలంటూ విమర్శించారు. పెట్రోల్, డీజిల్ అమ్మకాలపై విధించిన పన్నుల రూపంలో రూ.3.71 లక్షల కోట్లను ప్రజల నుంచి దోచుకుందంటూ కేంద్రంపై ఆరోపణలు గుప్పించారు. ఆ డబ్బును ఏం చేశారంటూ మోదీని ప్రశ్నించారు. కేంద్ర కేబినెట్‌పై కాకుండా ప్రజల ఆరోగ్యం, దేశ ఆర్థిక వ్యవస్థపై ప్రధాని దృష్టి పెట్టాలని ప్రభుత్వాన్ని డిమాండ్‌ చేశారు. ‘‘గ్యాస్‌ ధర 14 నెలల్లో 47 శాతం పెరిగింది. ఉజ్వల పథకం ఏమయ్యింది? మేము సంక్షేమ పథకాలు అమలు చేస్తున్నప్పుడు మీరెందుకు చేయడంలేదు?’’ అంటూ ప్రశ్నించారు. ధరల పెంపు ద్వారా సమీకరించిన నిధులను కొవిడ్‌ వ్యాక్సినేషన్‌ ప్రక్రియను వేగవంతం చేసేందుకు వినియోగించాలని కోరారు. పశ్చిమ బెంగాల్‌ గవర్నర్‌గా జగదీప్ ధన్‌కడ్‌ను కొనసాగించడంపైనా ప్రభుత్వాన్ని ఆమె విమర్శించారు.

దిల్లీ, కోల్‌కతా నగరాల్లో లీటరు పెట్రోలు ధర బుధవారం రూ.100 మార్కును దాటింది. లీటరు డీజిల్‌ రూ.89.53కు చేరింది. ముంబయి, చెన్నై, హైదరాబాద్‌, బెంగళూరు నగరాల్లో పెట్రోలు ధర ఇప్పటికే రూ.100 దాటింది.



Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని