Oxygen Express: ఏపీకి బయల్దేరింది! - oxygen express starts from bengal to ap
close
Updated : 14/05/2021 16:51 IST
Facebook Share Twitter Share WhatsApp Share Telegram Share Link Share

Oxygen Express: ఏపీకి బయల్దేరింది!

విశాఖపట్నం: రాష్ట్రంలో మెడికల్‌ ఆక్సిజన్‌ అవసరాలను తీర్చేందుకు తొలిసారిగా ఆక్సిజన్‌ ఎక్స్‌ప్రెస్‌ ఏపీకి రానుంది. పశ్చిమ్‌బెంగాల్‌లోని దుర్గాపూర్‌ ప్లాంట్‌ నుంచి నుంచి 40 మెట్రిక్‌ టన్నుల ఆక్సిజన్‌ను నింపుకొని ఏపీకి బయల్దేరింది. రాష్ట్రంలోని వివిధ ఆస్పత్రులకు పంపిణీ చేసేందుకు వీలుగా ఈ ఆక్సిజన్‌ను విశాఖపట్నం, నెల్లూరులో స్టేషన్లలో అన్‌లోడ్ చేయనున్నారు. ప్రాణవాయువు అవసరాలు తీర్చేందుకు ఆక్సిజన్‌ ఎక్స్‌ప్రెస్‌ ఏపీకి రావడం ఇదే తొలిసారి. రాష్ట్రంలో రోజుకు దాదాపు 600  టన్నుల ఆక్సిజన్‌ అవసరమవుతున్నప్పటికీ.. రోడ్డు మార్గాల ద్వారానే తమిళనాడు, ఒడిశా నుంచి సరఫరా అవుతోంది. తాజాగా రవాణా సమయాన్ని తగ్గించేలా ఆక్సిజన్‌ ఎక్స్‌ప్రెస్‌ను నడిపేందుకు రైల్వేశాఖ సమ్మతించింది.

ఆక్సిజన్‌ సేకరణ, పంపిణీ విషయంలో ఏపీ గణనీయమైన పురోగతి సాధించిందని, రాష్ట్రంలోని వివిధ ఆస్పత్రులకు విస్తృతంగా ఆక్సిజన్‌ సరఫరా చేస్తున్నామని ఆక్సిజన్‌ సేకరణ, సరఫరా పర్యవేక్షణ అధికారి కృష్ణబాబు వెల్లడించారు. ముఖ్యమంత్రి జగన్‌మోహన్‌రెడ్డి కేంద్రానికి లేఖ రాయడంతోపాటు, తదుపరి చర్యలవల్ల ఆక్సిజన్‌ సరఫరా వేగవంతమైందన్నారు. రాష్ట్రానికి కొత్తగా కేంద్రం మరో 3 ఐఎస్‌వో ట్యాంకులను కేటాయించిందని, మొత్తం 6 ఆక్సిజన్‌ ట్యాంకులతో 110 టన్నుల లిక్విడ్‌ ఆక్సిజన్‌ గుజరాత్‌లోని జామ్‌నగర్‌ నుంచి వస్తోందన్నారు. ఎల్లుండికి 60 టన్నుల ఆక్సిజన్‌తో ప్రత్యేకరైలు కృష్ణపట్నం చేరుతుందన్నారు. తాజా మూడు ఐఎస్‌వో ట్యాంకులతో కలిపి రాష్ట్రానికి 6 ట్యాకులు అవుతాయని, ఒక్కో ప్రత్యేకరైలు ద్వారా మూడు ట్యాంకుల చొప్పున నిరంతర ఆక్సిజన్‌ సరఫరాకు ప్రణాళిక రచిస్తున్నామని కృష్ణబాబు తెలిపారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని