Imran Khan: అమెరికా పక్షాన ఉన్నందుకు భారీ మూల్యం చెల్లించాం..! - paid a very heavy price for siding with us in afghanistan
close
Updated : 19/09/2021 14:49 IST
Facebook Share Twitter Share WhatsApp Share Telegram Share Link Share

Imran Khan: అమెరికా పక్షాన ఉన్నందుకు భారీ మూల్యం చెల్లించాం..!

ఇంటర్నెట్‌డెస్క్‌: అఫ్గాన్‌ యుద్ధంలో అమెరికా పక్షాన నిలిచినందుకు పాకిస్థాన్‌ భారీ మూల్యమే చెల్లించిందని ఆ దేశ ప్రధాని ఇమ్రాన్‌ ఖాన్‌ వాపోయారు. దీనికి తోడు అవమానకర రీతిలో అమెరికన్లు అఫ్గానిస్థాన్‌ను వీడటానికి కూడా ఇస్లామాబాదే  కారణమని నిందిస్తున్నట్లు పేర్కొన్నారు. ‘రష్యా టుడే’కు ఇచ్చిన ఇంటర్వ్యూలో అమెరికా అధికారులపై ఇమ్రాన్‌ ఖాన్‌ ఆగ్రహం వ్యక్తం చేశారు. అమెరికాపై నిందలు వచ్చిన ప్రతిసారి వారు పాకిస్థాన్‌ వైపు వేలెత్తి చూపుతారన్నారు. ఇటీవల అమెరికా సెనేట్‌లోని విదేశీ వ్యవహారాల కమిటీ విచారణలో చాలా మంది అధికారులు పాక్‌ను నిందించారు. తాలిబన్లకు వారే ఆశ్రయమిచ్చారని ఆరోపించారు.

‘‘ఆ సెనేటర్లు చేసిన ఆరోపణలు విని ఒక పాకిస్థానీగా నేను చాలా బాధపడుతున్నాను. అఫ్గానిస్థాన్‌లోని వైఫల్యానికి పాకిస్థాన్‌ని నిందించడం చాలా బాధాకరం’’ అని ఇమ్రాన్‌ పేర్కొన్నారు.

అమెరికాపై 9/11 దాడి జరిగిన సమయంలో పాకిస్థాన్‌లో రాజకీయ సుస్థిరత లేదు. అప్పుడు పర్వేజ్‌ ముషారఫ్‌ సైనిక తిరుబాటు చేసి అధికారంలోకి వచ్చారు. అధికారం నిలపుకొనేందుకు తనకు అమెరికా మద్దతు అవసరం. ఈ నేపథ్యంలో అఫ్గాన్‌లో అమెరికా యుద్ధానికి పాకిస్థాన్‌ మద్దతు పలికింది. ఇది ఒక తప్పుడు నిర్ణయమని ఇమ్రాన్‌ ఖాన్‌ ఇప్పటికీ భావిస్తున్నారు. ‘‘విదేశీ ఆక్రమణల నుంచి రక్షించుకునేలా వారికి శిక్షణ ఇచ్చాం. అది పవిత్ర యుద్ధం. జిహాద్‌. కానీ, అమెరికాకు వ్యతిరేకంగా పోరాడితే అది ఉగ్రవాదం అవుతుందని వారికి చెప్పాం. అందుకే ముజాహిద్దీన్‌లు మాకు వ్యతిరేకమయ్యారు. మేం కుమ్మక్కయ్యామని భావించారు’’ అని పేర్కొన్నారు.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని