ఆకట్టుకునేలా ‘పిట్ట కథలు’ ట్రైలర్‌

హైదరాబాద్‌: తరుణ్‌ భాస్కర్‌, నందిని రెడ్డి, నాగ్‌ అశ్విన్‌, సంకల్ప్‌ రెడ్డి.. విభిన్న కథా చిత్రాలతో వెండితెర వేదికగా తెలుగు ప్రేక్షకులను అలరించిన ఈ నలుగురు దర్శకులు అతి త్వరలోనే ఓటీటీ వేదికగా మెప్పించనున్నారు. ప్రముఖ ఓటీటీ ఫ్లాట్‌ఫామ్‌ నెట్‌ఫ్లిక్స్‌ వేదికగా ‘పిట్ట కథలు’ పేరుతో ప్రసారం కానున్న ఓ వెబ్‌ సిరీస్‌కు వీళ్లు నలుగురు దర్శకులుగా వ్యవహరిస్తున్నారు. నాలుగు విభిన్నమైన కథలతో తెరకెక్కిన ఈ సిరీస్‌లో శ్రుతిహాసన్‌, ఇషా రెబ్బా, అమలాపాల్‌, జగపతిబాబు, సత్యదేవ్‌, మంచులక్ష్మి కీలకపాత్రలు పోషించారు. ఫిబ్రవరి 19న ‘పిట్ట కథలు’ విడుదల కానుంది. ఈ విషయాన్ని తెలియజేస్తూ.. ‘పిట్ట కథలు’ ట్రైలర్‌ను చిత్రబృందం అభిమానులతో పంచుకుంది. హిందీలో ప్రేక్షకాధరణ పొందిన ‘లస్ట్‌ స్టోరీస్‌’కు రీమేక్‌గా ‘పిట్ట కథలు’ వస్తోందని సమాచారం.

ఇదీ చదవండి

వీడియో లీక్‌.. రూ.25 కోట్లు డిమాండ్‌