Ayodhya: 29న అయోధ్యకు రాష్ట్రపతి.. మళ్లీ రైల్లో ప్రయాణం - president kovind to visit ayodhya by train on aug 29
close
Published : 24/08/2021 23:05 IST
Facebook Share Twitter Share WhatsApp Share Telegram Share Link Share

Ayodhya: 29న అయోధ్యకు రాష్ట్రపతి.. మళ్లీ రైల్లో ప్రయాణం

దిల్లీ: భారత రాష్ట్రపతి రామ్‌నాథ్‌ కోవింద్‌ ఈ నెల 29న అయోధ్యను సందర్శించనున్నారు. ఈ క్రమంలో ఆయన లఖ్‌నవూ నుంచి అయోధ్యకు ప్రత్యేక రైల్లో ప్రయాణించనున్నారు. అధికార వర్గాలు ఈ విషయాన్ని వెల్లడించాయి. ప్రస్తుతం అక్కడ రామ మందిర నిర్మాణం వేగంగా సాగుతోన్న విషయం తెలిసిందే. ఈ పనులను రాష్ట్రపతి పరిశీలించనున్నట్లు తెలిసింది. ఉత్తర్‌ప్రదేశ్‌ ముఖ్యమంత్రి యోగీ ఆదిత్యనాథ్‌, గవర్నర్‌ ఆనందీబెన్‌ పటేల్‌ ఆయన వెంట ఉండే అవకాశం ఉంది. శ్రీరామ జన్మభూమి తీర్థక్షేత్ర ట్రస్ట్‌ ప్రతినిధులు ఆలయ నిర్మాణానికి సంబంధించిన పూర్తి వివరాలు వారికి వెల్లడించనున్నారు. ఈ సందర్భంగా అక్కడే కొలువుదీరిన రామ్‌లల్లాను దర్శించుకోనున్నట్లు సమాచారం. ఈ నేపథ్యంలో అధికారులు తగు ఏర్పాట్లు చేస్తున్నారు. రైల్వేశాఖ కూడా భద్రతాపర చర్యలు తీసుకుంటోంది. అయోధ్యను సందర్శించనున్న మొదటి రాష్ట్రపతి కోవింద్‌ కానుండటం గమనార్హం. ఈ హోదాలో రైల్లో ప్రయాణించడం ఆయనకు ఇది రెండోసారి. ఇదివరకు దిల్లీ నుంచి కాన్పూర్‌కు ప్రయాణించిన విషయం తెలిసిందే.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని