Ap news: కృష్ణా జలాలపై ఎవరిది దాదాగిరి..?: సజ్జల - sajjala counter on kcr comments on krishna water
close
Published : 03/08/2021 01:11 IST
Facebook Share Twitter Share WhatsApp Share Telegram Share Link Share

Ap news: కృష్ణా జలాలపై ఎవరిది దాదాగిరి..?: సజ్జల

అమరావతి: కృష్ణా జలాలపై ఏపీ దాదాగిరి చేస్తోందంటూ తెలంగాణ ముఖ్యమంత్రి కేసీఆర్‌ చేసిన వ్యాఖ్యలను ఏపీ ప్రభుత్వ సలహాదారు సజ్జల రామకృష్ణారెడ్డి తోసిపుచ్చారు. ఎవరు దాదాగిరి చేశారో అందరికీ తెలుసన్నారు. దాదాగిరి అంటే విద్యుదుత్పత్తి పేరుతో నీటిని సముద్రానికి వదలడమే కదా అని ఆయన వ్యాఖ్యానించారు. జలవిద్యుత్‌ పేరుతో 30 టీఎంసీల నీటిని సముద్రంపాలు చేశారని విమర్శించారు. జలశక్తి శాఖ ఆదేశాలను కూడా పొరుగు రాష్ట్రం పెడచెవిన పెట్టిందని మండిపడ్డారు. ఎగువప్రాంతంలో ఉన్నామనే భావనతో జలవివాదం తెచ్చారని అన్నారు. సాగు అవసరాలను కాదని, విద్యుదుత్పత్తి కోసం నీటిని వినియోగించరాదన్న నియమాన్ని తెలంగాణ ప్రభుత్వం విస్మరించిందని ఆరోపించారు. ఏపీ నీటివాటా కాపాడుకునేందుకే సీఎం జగన్‌ ప్రయత్నించారని చెప్పారు. నాగార్జునసాగర్‌ నియోజకవర్గ పర్యటనలో భాగంగా హాలియాలో నిర్వహించిన బహిరంగసభలో కేసీఆర్‌ మాట్లాడుతూ.. కేంద్ర ప్రభుత్వం తెలంగాణ వ్యతిరేక వైఖరిని అవలంబిస్తోందని.. కృష్ణా జలాలపై ఏపీ ప్రభుత్వం దాదాగిరి చేస్తోందని వ్యాఖ్యానించిన విషయం తెలిసిందే.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని