T20 World Cup: ఆ నాలుగు జట్లు సెమీస్‌ చేరుతాయి: గంభీర్‌ - t20 world cup 2021: gautam gambhir names four potential semi-finalists for icc t20 world cup 2021
close
Published : 20/08/2021 22:32 IST
Facebook Share Twitter Share WhatsApp Share Telegram Share Link Share

T20 World Cup: ఆ నాలుగు జట్లు సెమీస్‌ చేరుతాయి: గంభీర్‌


 

ఇంటర్నెట్‌ డెస్క్‌: టీ20 ప్రపంచకప్‌ ప్రారంభం అయ్యేందుకు మరో రెండు నెలల సమయం ఉంది. అక్టోబరు 17 నుంచి నవంబరు 14 వరకు యూఏఈ, ఒమన్ వేదికగా ఈ మెగా టోర్నీ జరగనుంది. ఈ మెగా ఈవెంట్‌లో విజయం సాధించాలని చాలా జట్లు తహతహలాడుతున్నాయి. అందుకు తగ్గట్లుగానే ఆటగాళ్లను సంసిద్ధం చేస్తున్నాయి. అయితే, ఈ ప్రతిష్ఠాత్మక టోర్నీలో ఏ జట్టు విజేతగా నిలుస్తుంది, ఏయే జట్లు సెమీస్ చేరుతాయి అనే విషయాలపై అప్పుడే అంచనాలు మొదలయ్యాయి.

ఈ మెగా టోర్నీలో  సెమీస్‌ చేరే జట్లపై టీమ్‌ఇండియా మాజీ ఓపెనర్‌ గౌతమ్‌ గంభీర్‌ తన అంచనాను బయటపెట్టాడు. ‘ఈ టీ20 ప్రపంచకప్‌లో ఏయే జట్లు సెమీస్ చేరుతాయని అంచనా వేస్తున్నారు’ అని అడిగిన ప్రశ్నకు ‘‘భారత్, న్యూజిలాండ్‌, ఇంగ్లాండ్‌, వెస్టిండీస్‌ జట్లు సెమీస్‌ చేరుతాయని భావిస్తున్నా’’ అని గంభీర్‌  బదులిచ్చాడు. ఆసక్తికరమైన విషయం ఏంటంటే.. ఈసారి  ఆస్ట్రేలియా విజేతగా నిలుస్తుందని రికీ పాంటింగ్‌  జోస్యం చెప్పగా.. సెమీస్‌ చేరే జట్లపై గంభీర్‌ అంచనా వేసిన జట్లలో ఆస్ట్రేలియాకు చోటే దక్కలేదు.

టీ20 ప్రపంచకప్‌ని టీమ్‌ఇండియా ఒక్కసారి మాత్రమే ముద్దాడింది. 2007 ఆరంభ ఎడిషన్‌లో ధోనీ సారథ్యంలో పాకిస్తాన్‌పై 5 పరుగుల తేడాతో విజయం సాధించి విశ్వవిజేతగా నిలిచింది. వెస్టిండీస్‌ రెండుసార్లు(2012, 2016) విజేతగా నిలవగా.. 2010లో ఆస్ట్రేలియాను ఓడించి ఇంగ్లాండ్‌ ఛాంపియన్‌గా అవతరించింది. న్యూజిలాండ్‌ ఇప్పటివరకు టీ20 ప్రపంచకప్‌ని సాధించలేదు. కనీసం ఒక్కసారి కూడా ఫైనల్‌కు చేరకపోవడం గమనార్హం.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని