Afghanistan: కాబుల్‌లో మహిళా ఉద్యోగులపై ఆంక్షలు.. ఇళ్లలోనే ఉండాలని ఆదేశాలు - taliban-run kabul municipality to female workers: stay home
close
Published : 20/09/2021 01:42 IST
Facebook Share Twitter Share WhatsApp Share Telegram Share Link Share

Afghanistan: కాబుల్‌లో మహిళా ఉద్యోగులపై ఆంక్షలు.. ఇళ్లలోనే ఉండాలని ఆదేశాలు

కాబుల్‌: అఫ్గాన్‌లో తాలిబన్ల పాలనలో మహిళల హక్కులపై ఆందోళన నెలకొన్న విషయం తెలిసిందే. ఈ క్రమంలో ఇప్పటికే కేబినెట్‌లో వారికి చోటివ్వని తాలిబన్లు.. క్రమంగా విద్య, ఉద్యోగ తదితర రంగాల్లోనూ కట్టడి చేస్తున్నారు. తాజాగా కాబుల్‌ నగరపాలక సంస్థలో పనిచేసే మహిళా ఉద్యోగులపై ఆంక్షలు విధించారు. నగరవ్యాప్తంగా విధులు నిర్వహించే మహిళా ఉద్యోగులు ఇళ్లకే పరిమితం కావాలని తాత్కాలిక మేయర్‌ హమ్‌దుల్లా నమోనీ ఆదేశించారు.  ఆదివారం ఆయన మాట్లాడుతూ.. పురుషులకు అనుమతి లేని విధుల్లో ఉండే మహిళలకు మాత్రం మినహాయింపు ఉందని వెల్లడించారు. మహిళల పబ్లిక్‌ టాయిలెట్ల నిర్వహణ తదితర పనులు ఇందులోకి వస్తాయని చెప్పారు. నగర పాలక సంస్థ కార్యాలయంలో పనిచేసే మహిళా ఉద్యోగుల విషయమై తుది నిర్ణయం రావాల్సి ఉందన్నారు. 

ఇదివరకు మూడు వేల మంది..

ఇటీవల తాలిబన్ల ఆక్రమణకు ముందు వరకు.. నగరవ్యాప్తంగా అన్ని విభాగాల్లో కలిపి దాదాపు మూడు వేల మంది మహిళలు పని చేసేవారని మేయర్‌ చెప్పారు. ఇదిలా ఉండగా, ఇప్పటికే స్థానికంగా మహిళలు, బాలికలపై విరుచుకుపడుతున్న తాలిబన్లు.. శనివారం గత ప్రభుత్వ హయాంలో ఏర్పాటు చేసిన మహిళా మంత్రిత్వశాఖ భవనంలోకి చొరబడి, అక్కడి సిబ్బందిని బయటికి పంపేసిన విషయం తెలిసిందే. ఈ భవనంలో ఇటీవల కొత్తగా ప్రకటించిన ధర్మ ప్రచార మంత్రిత్వశాఖను ఏర్పాటు చేస్తామని చెప్పారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని