అప్రమత్తంగా లేకుంటే నష్టమే: సోమిరెడ్డి  - tdp leader somireddy adviced to ap govt regarding corona pandamic
close
Published : 13/08/2020 02:14 IST
Facebook Share Twitter Share WhatsApp Share Telegram Share Link Share

అప్రమత్తంగా లేకుంటే నష్టమే: సోమిరెడ్డి 

నెల్లూరు: రాష్ట్రంలో కరోనా కేసులు పెరుగుతున్న నేపథ్యంలో ప్రభుత్వం మరింత అప్రమత్తంగా ఉండాలని మాజీ మంత్రి సోమిరెడ్డి చంద్రమోహన్‌ రెడ్డి అన్నారు. లేకుంటే ఘోరమైన వైఫల్యాలను ఎదుర్కోవాల్సి వస్తుందన్నారు. బుధవారం నెల్లూరులో మీడియాతో ఆయన మాట్లాడారు. కరోనా వైరస్‌ వంటి క్లిష్ట పరిస్థితుల్లో ముఖ్యమంత్రి జగన్‌ మోహన్‌ రెడ్డి ప్రణాళికతో ముందుకు సాగాలన్నారు. లేకుంటే తీవ్ర నష్టం జరిగే ప్రమాదం ఉందని హెచ్చరించారు. అదేవిధంగా కొవిడ్‌ కేర్‌ సెంటర్లు‌, ఐసోలేషన్‌ వార్డుల్లో ఉన్న బాధితులకు భోజన వసతి సరిగా లేదని సోమిరెడ్డి ఆరోపించారు. మందులు కూడా సరిగా ఇవ్వడం లేదని విమర్శించారు. ముఖ్యమంత్రి జగన్‌మోహన్‌ రెడ్డి ఒకసారి కొవిడ్‌ కేంద్రాలకు వెళితే అక్కడి సమస్యలు తెలుస్తాయని హితవు పలికారు. కేంద్ర ప్రభుత్వం నిధులు ఇచ్చినా వాటిని ఎందుకు సరిగా వినియోగించుకోవడంలేదని ప్రభుత్వాన్ని సోమిరెడ్డి ప్రశ్నించారు.
 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని