Chiranjeevi: నాట్యానికే అంకితం - telugu news Chiranjeevi is eagerly waiting for Natyam movie
close
Updated : 20/10/2021 07:09 IST
Facebook Share Twitter Share WhatsApp Share Telegram Share Link Share

Chiranjeevi: నాట్యానికే అంకితం

‘‘మన ఆచారాలు, సంప్రదాయాలు, కళల్ని మరిచిపోతున్న నేటి పరిస్థితుల్లో ‘నాట్యం’ తెరకెక్కడం సంతోషంగా ఉంది. ఈ సినిమాతో నాట్యం గొప్పదనమేమిటో ప్రేక్షకులకు చేరువవుతుంది’’ అన్నారు ప్రముఖ కథానాయకుడు చిరంజీవి. ఆయన ఇటీవల తనని కలిసిన ‘నాట్యం’ బృందాన్ని ప్రశంసించారు. చిత్రాన్ని చూసేందుకు ఆత్రుతగా ఎదురు చూస్తున్నానని చెప్పారు. ప్రముఖ కూచిపూడి నృత్య కళాకారిణి సంధ్యారాజు స్వయంగా నటించి, నిర్మిస్తున్న చిత్రమిది. రేవంత్‌ కోరుకొండ దర్శకత్వం వహించారు. ఈ నెల 22న చిత్రం ప్రేక్షకుల ముందుకొస్తోంది. ఈ సందర్భంగా చిరంజీవి మాట్లాడుతూ ‘‘కళల పట్ల సంధ్యారాజుకి ఉన్న అంకితభావాన్ని తెలియజేస్తున్న ప్రయత్నమిది. ఆమె డబ్బు కోసం కాకుండా ఎంతో తపనతో ఈ సినిమా చేశారు. యువ దర్శకుడు రేవంత్‌ ఈ తరహా చిత్రం చేయడం అభినందనీయం. ఇలాంటివారు పరిశ్రమకి రావాలి. సినిమా మాధ్యమం ఎంతో ప్రభావవంతమైనది. దీని ద్వారా ప్రతిభని ప్రదర్శించే ప్రయత్నం చేస్తున్నారు. అది వృథా కాదు. ‘నాట్యం’ సినిమాకి ప్రేక్షకుల ఆశీస్సులు ఉంటాయని ఆశిస్తున్నా’’ అన్నారు. సంధ్యారాజు మాట్లాడుతూ ‘‘నా జీవితాన్ని నాట్యానికి అంకితం చేశా. డబ్బుతో వచ్చేది కాదు ఈ కళ. ఎంతో అంకితభావం, కష్టం ఉండాలి. ఈ సినిమా ప్రయాణంలో చిరంజీవి సర్‌ని కలవడం ఎంతో సంతోషంగా ఉంది’’ అన్నారు. ‘‘నాట్యం గురించే కాకుండా మన సంస్కృతిని, తెలుగుదనాన్ని చూపించాం. అన్ని రకాల భావోద్వేగాలున్న చిత్రమిది’’ అన్నారు దర్శకుడు.



Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని