Ap News: చంద్రబాబు ఇంటిపై దాడి ఘటన.. క్లారిటీ ఇచ్చిన పోలీసులు - telugu news ap police clarity on attack chandrababu home
close
Updated : 20/09/2021 20:25 IST
Facebook Share Twitter Share WhatsApp Share Telegram Share Link Share

Ap News: చంద్రబాబు ఇంటిపై దాడి ఘటన.. క్లారిటీ ఇచ్చిన పోలీసులు

గుంటూరు: కరకట్టపై తెదేపా అధినేత చంద్రబాబుకు వినతిపత్రం ఇచ్చేందుకే ఎమ్మెల్యే జోగి రమేశ్ వెళ్లారని.. ఇంటిపై దాడికి కాదని గుంటూరు రేంజ్ డీఐజీ త్రివిక్రమ్ వర్మ స్పష్టం చేశారు. కరకట్ట ఘటనపై ఎస్పీలు విశాల్ గున్నీ, ఆరిఫ్ హఫీజ్‌తో కలిసి డీఐజీ త్రివిక్రమ్ వర్మ మీడియాకు వివరణ ఇచ్చారు. ఎమ్మెల్యే జోగి రమేశ్ రాకపై పోలీసులకు ఎలాంటి సమాచారం లేనప్పటికీ కరకట్ట మొదటి భద్రత అంచె వద్దే అడ్డుకున్నామని చెప్పారు. చంద్రబాబు ఇంటిపై దాడి ఘటనంటూ బయట జరిగిన ప్రచారం పూర్తిగా అవాస్తవమన్నారు. పూర్తి నిరాధారంగా మీడియాలో కథనాలు ప్రసారం చేశారని డీఐజీ వివరించారు.

ముందుగా జోగి రమేశ్ కారుపైనే దాడి జరిగిందన్నారు. ఆ తర్వాత డ్రైవర్‌ను చెప్పులు, రాయితో కొందరు కొట్టారంటూ వీడియోలను మీడియా ముందు ప్రదర్శించారు. డీజీపీ ఆఫీసులో లేరని తెలిసీ కార్యాలయం వద్ద 70 మంది హడావుడి సృష్టించారన్నారు. ప్రతిపక్ష నేతలు, కార్యకర్తలు వినతిపత్రం ఇవ్వడానికి వచ్చే విధానం ఇది కాదని డీఐజీ అసహనం వ్యక్తం చేశారు. కరకట్ట ఘటనపై ఇరుపక్షాల ఫిర్యాదుల మేర విచారణ జరుగుతోందని.. సాక్ష్యాలు సేకరిస్తున్నామని డీఐజీ త్రివిక్రమ్ వర్మ వెల్లడించారు.

కేంద్ర హోంశాఖకు కనకమేడల ఫిర్యాదు..

తెదేపా అధినేత చంద్రబాబుపై దాడికి ప్రయత్నించినట్లు ఆ పార్టీ ఎంపీ కనమేడల రవీంద్రకుమార్‌ కేంద్ర హోంశాఖ కార్యదర్శి అజయ్‌ భల్లాకు ఫిర్యాదు చేశారు. జడ్‌ ప్లస్‌ కేటగిరీ ఉన్న నేతపై దాడికి ప్రయత్నం చేసినట్లు ఫిర్యాదులో పేర్కొన్నారు. జడ్‌ప్లస్‌ కేటగిరీ ఉన్న నేతపై దాడికి ప్రయత్నించారని ఈ ఘటనపై పూర్తి ఆధారాలను హోంశాఖ కార్యదర్శికి అందజేశామని తెలిపారు. చంద్రబాబు ఇంటిపై దాడి జరిగినా ఎవరిపైనా కేసు పెట్టలేదన్నారు. తెదేపా నేతలు, కార్యకర్తలపైనే కేసులు నమోదు చేశారని ఆరోపించారు. పోలీసుల నిర్లక్ష్యం వల్లే ఘటన జరిగిందని వివరించారు. ప్రధాని, హోం మంత్రిని కలిసి రాష్ట్రంలో నెలకొన్న పరిస్థితిని వివరిస్తామని పేర్కొన్నారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని