TS News: ఎందుకో రెండేళ్లకోసారి హుజూరాబాద్‌లో యుద్ధం చేయాల్సి వస్తోంది: ఈటల - telugu news bandi sanjay and eatala comments
close
Updated : 24/07/2021 16:33 IST
Facebook Share Twitter Share WhatsApp Share Telegram Share Link Share

TS News: ఎందుకో రెండేళ్లకోసారి హుజూరాబాద్‌లో యుద్ధం చేయాల్సి వస్తోంది: ఈటల

హుజూరాబాద్‌: తెరాస బీఫాంతోనే తాను గెలిస్తే మిగతా వాళ్లు ఎందుకు ఓడిపోయారని భాజపా నేత ఈటల ప్రశ్నించారు. హుజూరాబాద్‌ నియోజకవర్గంలో ఆరో రోజు పాదయాత్ర కొనసాగించిన ఆయన మాట్లాడుతూ.. ‘‘ఎందుకో రెండేళ్లకోసారి హుజూరాబాద్‌లో యుద్ధం చేయాల్సి వస్తోంది. 2008, 2010లో రాజీనామా చేస్తే గొప్ప మెజార్టీతో గెలిపించారు. ఆనాడు ప్రజలే నాకు ఎన్నికల కోసం డబ్బులిచ్చారు. ఆరుసార్లు గెలిచినా నేను ధర్మంగానే గెలిచా. నాకు కుడి, ఎడమ ఎవరూ ఉండకూడదని చూస్తున్నారు. మీరు డబ్బు, అధికారాన్ని నమ్ముకుంటే.. నేను ప్రజలను నమ్ముకున్నా. 2023లో రాష్ట్రంలో కాషాయ జెండా ఎగరబోతోంది’’ అని ఈటల అన్నారు.

దళిత బంధు తరహా పథకం తెలంగాణ రాష్ట్రమంతా అమలు చేయాలని భాజపా రాష్ట్ర అధ్యక్షుడు బండి సంజయ్‌ డిమాండ్ చేశారు. ఈటల పాదయాత్ర కొనసాగుతుండగా సంజయ్‌ అందులో పాల్గొన్నారు. ఈ సందర్భంగా మాట్లాడుతూ.. ‘‘ఏ ఎన్నికలొచ్చినా హామీలివ్వడం కేసీఆర్‌కు అలవాటు. దళితబంధు కొందరికే ఇచ్చి మోసం చేసే కుట్ర చేస్తున్నారు. రూ.10 లక్షలు అన్ని వర్గాల పేదలకు ఇవ్వాలి. భాజపా అధికారంలోకి వచ్చాక భాగ్యనగరంలో అంబేడ్కర్‌ విగ్రహం పెడతాం’’ అని సంజయ్‌ అన్నారు.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని