Seetimaarr: గోపీచంద్‌ ‘సీటీమార్‌’ ట్రైలర్‌ వచ్చేసింది  - telugu news gopichnad seetimaarr trailer released by ram pothineni
close
Updated : 31/08/2021 15:34 IST
Facebook Share Twitter Share WhatsApp Share Telegram Share Link Share

Seetimaarr: గోపీచంద్‌ ‘సీటీమార్‌’ ట్రైలర్‌ వచ్చేసింది 

ఇంటర్నెట్‌ డెస్క్‌: గోపీచంద్‌ కథానాయకుడిగా సంపత్‌ నంది దర్శకత్వంలో రూపొందుతోన్న చిత్రం ‘సీటీమార్’. తమన్నా కథానాయిక. ఈ సినిమా వినాయకచవితి కానుకగా సెప్టెంబరు 10న విడుదల కానుంది. ఈ నేపథ్యంలో యువనటుడు రామ్‌ పోతినేని ట్రైలర్‌ని విడుదల చేశారు. కబడ్డీ నేపథ్యంలో సాగే కథ ఇది. ‘ఒక ఊరి నుంచి ఎనిమిది మంది ప్లేయర్సా? మీకు రూల్స్‌ తెలుసు కదా’ అనే సంభాషణతో ప్రారంభమవుతుందీ ట్రైలర్‌. ‘రూల్స్‌ ప్రకారం పంపిస్తే ఆడి వస్తారు సర్‌. రూట్ లెవల్‌ నుంచి ఆలోచించి పంపిస్తే పేపర్‌లో వస్తారు’ అని గోపీచంద్‌ ఇచ్చిన సమాధానం అలరిస్తుంది.  పవర్‌ ఫుల్‌ డైలాగ్స్‌తో, యాక్షన్‌ సన్నివేశాలతో ఆద్యంతం ఆసక్తిగా సాగింది. ‘ఒక్కసారి కోర్టులో అడుగుపెట్టాక మీ ఫోకస్‌ ఉండాల్సింది కూత, గీత మీదే.. ఈ బ్యాచ్‌ అయిపోయేలోపు మ్యాచ్‌ అయిపోవాలి ’ అంటూ కోచ్‌గా గోపీచంద్‌ విశేషంగా ఆకట్టుకుంటున్నారు. గోపీచంద్‌, తమన్నా, రావు రమేశ్‌ నటన మెప్పిస్తోంది.  నేపథ్య సంగీతం ప్రధాన బలంగా నిలిచింది.

ఈ సినిమాలో గోపీచంద్‌, తమన్నా ఆంధ్రా, తెలంగాణ కబడ్డీ జట్ల కోచ్‌లుగా కనిపించనున్నారు. దిగంగనా సూర్యవంశీ, భూమిక కీలక పాత్రలు పోషించారు. శ్రీనివాస సిల్వర్‌ స్క్రీన్‌ పతాకంపై శ్రీనివాస చిట్టూరి నిర్మిస్తోన్న ఈ చిత్రానికి మణిశర్మ సంగీతం అందిస్తున్నారు. ‘గౌతమ్‌నంద’ తర్వాత సంపత్‌నంది- గోపీచంద్‌ కాంబినేషన్‌లో వస్తోన్న సినిమాకావడంతో ‘సీటీమార్‌’పై ప్రేక్షకుల్లో ఆసక్తి నెలకొంది.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని