Samantha: బీటౌన్‌పై కన్నేసిన సమంత..  - telugu news is this samantha ruth prabhu to start shooting for her hindi film soon
close
Published : 14/10/2021 14:25 IST
Facebook Share Twitter Share WhatsApp Share Telegram Share Link Share

Samantha: బీటౌన్‌పై కన్నేసిన సమంత.. 

హైదరాబాద్‌: నాగచైతన్య నుంచి విడిపోవడంతో తీవ్ర మానసిక వేదనకు గురైన సమంత.. ఆ బాధ నుంచి బయటకు వచ్చేందుకు సినీ కెరీర్‌పై దృష్టి సారించినట్లు తెలుస్తోంది. ప్రతి అవకాశాన్ని సద్వినియోగం చేసుకుంటూ కెరీర్‌లో మరింత వృద్ధి చెందేందుకు ఆమె సన్నాహాలు చేస్తున్నట్లు సమాచారం. ఈ క్రమంలోనే సామ్‌ బీటౌన్‌పై కన్నేసినట్లు వార్తలు వస్తున్నాయి. ‘ఫ్యామిలీ మేన్‌-2’ అనంతరం సామ్‌కి బీటౌన్‌ నుంచి ఎన్నో భారీ అవకాశాలు వచ్చినప్పటికీ.. ఫ్యామిలీని దృష్టిలో ఉంచుకుని గతంలో వాటంన్నిటినీ వద్దనుకుందని ఆమె స్నేహితురాలు సద్నా ఇటీవల ఓ ఇంటర్వ్యూలో వెల్లడించిన విషయం తెలిసిందే.

కాగా, ఇప్పుడున్న పరిస్థితుల రీత్యా సామ్.. బాలీవుడ్‌లోనూ స్టార్‌గా ఎదగాలని భావిస్తున్నారట. ఇందులో భాగంగానే బీటౌన్‌లో తెరకెక్కనున్న ఓ ప్రాజెక్ట్‌కి ఆమె గ్రీన్‌ సిగ్నల్‌ ఇచ్చారట. పేరు పొందిన దర్శకుడు రూపొందించనున్న ఈ ప్రాజెక్ట్‌కి ప్రముఖ నిర్మాణ సంస్థ డబ్బులు సమకూరుస్తుందట. ఈ మేరకు నెట్టింట్లో వార్తలు చక్కర్లు కొడుతున్నాయి. అయితే, ఆ సినిమా ఎప్పుడు మొదలవుతుంది? నటీనటులు ఎవరు? కాన్సెప్ట్‌ ఏమై ఉంటుంది? ఇలా చాలా ప్రశ్నలకు సమాధానాలు తెలియాల్సి ఉంది. మరోవైపు, ఈ వార్తలపై ఎలాంటి అధికారిక ప్రకటన వెలువడలేదు.


Advertisement


మరిన్ని

కొత్త సినిమాలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని