Mohammed Shami: ఈ మాత్రం దానికే దిగులెందుకు? ఇంకా టైం ఉందని షమి భరోసా - telugu news lot of time left in series no need to feel low says shami
close
Published : 27/08/2021 10:44 IST
Facebook Share Twitter Share WhatsApp Share Telegram Share Link Share

Mohammed Shami: ఈ మాత్రం దానికే దిగులెందుకు? ఇంకా టైం ఉందని షమి భరోసా

లీడ్స్‌: మూడో టెస్టులో పేలవ ప్రదర్శన తమపై ఎలాంటి ప్రభావం చూపించలేదని టీమ్‌ఇండియా పేసర్‌ మహ్మద్‌ షమి అన్నాడు. కొన్నిసార్లు సుదీర్ఘ ఫార్మాట్లో చెడ్డ రోజులు ఎదురవుతాయని తెలిపాడు. ఐదు టెస్టుల సిరీసులో ఇంకా సమయం మిగిలే ఉంది.. ఆటగాళ్లు దిగులు పడాల్సిన అవసరం లేదని స్పష్టం చేశాడు.

‘లేదు, మిత్రమా! ప్రస్తుత ప్రదర్శన మాపై మానసికంగా ఎలాంటి ప్రతికూల ప్రభావం చూపించలేదు. మేం మూడు రోజుల్లో మ్యాచులు ముగించాం. కొన్ని సార్లైతే రెండు రోజుల్లోనే ముగించేశాం. కొన్నిసార్లు చెడ్డ రోజులు ఎదురవుతాయి. టెస్టు మ్యాచు తొలి ఇన్నింగ్సుల్లో త్వరగా ఆలౌటై ఎక్కువసేపు ఫీల్డింగ్‌ చేశాం’ అని షమి అన్నాడు.

‘కొన్నిసార్లు ఇలా అవుతుంది. అంత మాత్రానికే ఆత్మస్థైర్యం కోల్పోవాల్సిన అవసరం లేదు. ఎందుకంటే ఇంకా సిరీసులో రెండు టెస్టులు మిగిలే ఉన్నాయి’ అని షమి తెలిపాడు. ‘మేం సిరీసులో 1-0తో ఆధిక్యంలో ఉన్నాం. అందుకే ప్రతికూలంగా ఆలోచించాల్సిన అవసరం లేదు. మా నైపుణ్యాలను విశ్వసించి, మాకు మేం అండగా ఉండాలి’ అని పేర్కొన్నాడు.

ప్రత్యర్థి జట్టులో భారీ భాగస్వామ్యాలు నమోదవుతుంటే వాటిని విడదీయాల్సిన బాధ్యత బౌలర్ల మీదే ఉంటుందని షమి అన్నాడు. వికెట్లు తీసేందుకు, బ్యాట్స్‌మెన్‌ను బురిడీ కొట్టించేందుకు మనసులోనే వ్యూహాలు రచించాల్సి ఉంటుందన్నాడు.

తొలి ఇన్నింగ్స్‌లో టీమ్‌ఇండియా 78 పరుగులకే కుప్పకూలగా ఇంగ్లాండ్‌ రెండో రోజు ఆట ముగిసే సరికి 423/8తో నిలిచింది. ఆ జట్టు కెప్టెన్‌ జోరూట్‌ (121) వరుసగా మూడో శతకం సాధించాడు. భారత్‌లో షమి (3/87), జడ్డూ (2/88), బుమ్రా (1/58), సిరాజ్‌ (2/86) వికెట్లు తీశారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని