Nara Lokesh: రమ్య కుటుంబసభ్యులను పరామర్శించిన లోకేశ్‌ - telugu news nara lokesh meets ramya family
close
Updated : 16/08/2021 14:05 IST
Facebook Share Twitter Share WhatsApp Share Telegram Share Link Share

Nara Lokesh: రమ్య కుటుంబసభ్యులను పరామర్శించిన లోకేశ్‌

గుంటూరు: హత్యకు గురైన బీటెక్‌ విద్యార్థిని రమ్య కుటుంబసభ్యులను తెదేపా జాతీయ ప్రధాన కార్యదర్శి నారా లోకేశ్ పరామర్శించారు. గుంటూరు నగరంలోని పరమయ్యగుంటలో రమ్య ఇంటికి వెళ్లి ఆమె కుటుంబసభ్యులకు ధైర్యం చెప్పారు. బాధిత కుటుంబానికి తెదేపా అండగా ఉంటుందని లోకేశ్‌ హామీ ఇచ్చారు. కుటుంబానికి న్యాయం జరిగే వరకు పోరాడుతామని చెప్పారు.

తెదేపా-వైకాపా శ్రేణుల తోపులాట

మరోవైపు కేవలం రాజకీయ లబ్ధికే లోకేశ్‌ వచ్చారంటూ వైకాపా శ్రేణులు ఆగ్రహం వ్యక్తం చేశాయి. దీంతో పరమయ్యగుంటలో తెదేపా, వైకాపా కార్యకర్తల మధ్య తోపులాట చోటుచేసుకుంది. ఈ క్రమంలో కొందరు తెదేపా కార్యకర్తలను పోలీసులు స్టేషన్‌కు తరలించారు. ఈ సందర్భంగా లోకేశ్ మాట్లాడుతూ పరామర్శకు వస్తే ప్రభుత్వానికి ఉలుకెందుకని ప్రశ్నించారు. రాష్ట్రంలో మహిళలపై నేరాలు ఆగడం లేదని మండిపడ్డారు. ఉద్రిక్త పరిస్థితుల నేపథ్యంలో లోకేశ్‌ను పోలీసులు అక్కడి నుంచి పంపించారు.  




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని