Nara Lokesh: నారా లోకేశ్‌ను అదుపులోకి తీసుకున్న పోలీసులు - telugu news nara lokesh take into the police custody
close
Updated : 09/09/2021 15:37 IST
Facebook Share Twitter Share WhatsApp Share Telegram Share Link Share

Nara Lokesh: నారా లోకేశ్‌ను అదుపులోకి తీసుకున్న పోలీసులు

గన్నవరం: తెదేపా జాతీయ ప్రధాన కార్యదర్శి నారా లోకేశ్‌ను పోలీసులు అడ్డుకున్నారు. గుంటూరు జిల్లా పర్యటనకు వెళ్లేందుకు హైదరాబాద్‌ నుంచి గన్నవరం విమానాశ్రయానికి చేరుకున్న ఆయన్ను పోలీసులు అదుపులోకి తీసుకున్నారు. గుంటూరు జిల్లా గోళ్లపాడులో ప్రేమోన్మాది చేతిలో హత్యకు గురైన అనూష కుటుంబాన్ని పరామర్శించేందుకు లోకేశ్‌ బయల్దేరారు. ఈ క్రమంలో విమానాశ్రయం వద్ద ఆయన్ను అదుపులోకి తీసుకున్నారు. కొవిడ్‌ నిబంధనల దృష్ట్యా పర్యటనకు అనుమతి లేదని చెప్పారు. లోకేశ్‌ను ఎక్కడికి తరలిస్తున్నారనే విషయాన్ని పోలీసులు గోప్యంగా ఉంచుతున్నారు. లోకేశ్‌ను అడ్డుకోవడంపై తెదేపా నేతలు, కార్యకర్తలు తీవ్ర ఆగ్రహం వ్యక్తం చేశారు. ఆయన్ను తరలిస్తున్న వాహనశ్రేణిని అడ్డుకునేందుకు యత్నించారు. దీంతో వారిని పోలీసులు చెదరగొట్టారు. 

ధర్నాలు, ఆందోళనలకు వెళ్లట్లేదు: లోకేశ్‌

పోలీసులు తనను అడ్డుకోవడంపై లోకేశ్‌ తీవ్ర ఆగ్రహం వ్యక్తం చేశారు. తన పర్యటనను ఎందుకు అడ్డుకుంటున్నారో తెలియట్లేదన్నారు. ధర్నాలు, ఆందోళనలు చేయడానికి వెళ్లడం లేదని.. ఒక కుటుంబాన్ని పరామర్శించేందుకే వెళ్తున్నానని చెప్పారు. బాధిత కుటుంబాన్ని పరామర్శించి మీడియా సమావేశం పెట్టి వస్తానని వ్యాఖ్యానించారు. 




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని