Vijay Devarakonda: ఎవరూ ఎవరికీ సాయం చేయరు: విజయ్‌ దేవరకొండ - telugu news nobody can help you after a point says vijay deravakonda
close
Updated : 20/10/2021 15:02 IST
Facebook Share Twitter Share WhatsApp Share Telegram Share Link Share

Vijay Devarakonda: ఎవరూ ఎవరికీ సాయం చేయరు: విజయ్‌ దేవరకొండ

హైదరాబాద్‌: టాలెంట్‌ ఉంటేనే సినీ పరిశ్రమలో రాణించగలమని నటుడు, టీటౌన్‌ క్రేజీ రౌడీ విజయ్‌ దేవరకొండ అన్నారు. కెరీర్‌ ఆరంభంలో ఎన్నో ఇబ్బందులు ఎదుర్కొని అతి తక్కువ సమయంలోనే స్టార్‌గా ఎదిగిన ఆయన ప్రస్తుతం ‘లైగర్‌’ సినిమా షూట్‌లో ఫుల్‌ బిజీగా ఉన్నారు. పూరీ జగన్నాథ్‌ దర్శకత్వం వహిస్తున్న ఈ సినిమా షూట్‌ గత కొన్ని రోజులుగా గోవా, పరిసర ప్రాంతాల్లో శరవేగంగా జరుగుతోంది. తాజాగా ఓ ఇంటర్వ్యూలో పాల్గొన్న విజయ్‌.. ‘లైగర్‌’ హీరోయిన్‌ అనన్యపాండేపై ప్రశంసల వర్షం కురిపించారు.

‘‘కెరీర్‌లో విజయం సాధించి ఓ పేరు సంపాదించుకునేందుకు ప్రతి ఒక్కరు తమ తమ పనుల్లో ఎంతో కష్టపడుతుంటారు. సినీ పరిశ్రమలో ఎప్పుడూ పోటీ వాతావరణమే ఉంటుంది. కేవలం విజయాలు మాత్రమే పరిశ్రమలో మీరు రాణించడానికి దోహదపడతాయి. అందుకోసం మీరు తప్పకుండా అద్భుతంగా నటించాల్సి ఉంటుంది. అలా కాకపోతే ఏదో ఒక సమయంలో మీకు సాయం చేయడానికి కూడా ఎవ్వరూ ఉండరు. కాబట్టి, పరిశ్రమలో రాణించడం కోసం మేము ఎంతో కష్టపడ్డాం. ‘లైగర్‌’ కోసం అనన్య ఎంతో శ్రమించారు. ఆమె అద్భుతంగా నటించారు. సినిమా విడుదలయ్యాక ఆమెను అందరూ ఇష్టపడతారు’’ అని విజయ్‌ తెలిపారు. మార్షల్‌ ఆర్ట్స్‌ నేపథ్యంలో రూపుదిద్దుకున్న ఈ సినిమా కోసం విజయ్‌ కిక్‌ బాక్సింగ్‌ నేర్చుకున్నారు. ఇందులో ఆయన పొడవాటి జుత్తుతో విభిన్నమైన లుక్‌లో కనిపించనున్నారు. హాలీవుడ్‌ నటుడు మైక్‌ టైసన్‌ ఈ సినిమాలో ఓ కీలక పాత్ర పోషిస్తున్నారు.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని