NTR: హోస్ట్‌గా ప్రేక్షకుల మనసుని దోచుకుంటోన్న ఎన్టీఆర్‌! - telugu news ntr as host in evaru meelo koteeswarulu
close
Published : 02/08/2021 01:15 IST
Facebook Share Twitter Share WhatsApp Share Telegram Share Link Share

NTR: హోస్ట్‌గా ప్రేక్షకుల మనసుని దోచుకుంటోన్న ఎన్టీఆర్‌!

ఇంటర్నెట్‌ డెస్క్‌: వేడుక ఏమైనా, వేదిక ఏదైనా.. వెండితెరైనా, బుల్లి తెరైనా తన మాటలతో ప్రేక్షకుల్ని కట్టిపడేసే నటుడు జూనియర్‌ ఎన్టీఆర్‌. ఇప్పటికే బుల్లితెరపై హోస్ట్‌గా అలరించిన ఆయన మరోసారి ‘హాట్‌సీట్‌’లో కూర్చుని వినోదంతోపాటు విజ్ఞానం పంచబోతున్నారు. ‘ఎవరు మీలో కోటీశ్వరులు’ కార్యక్రమం ఇందుకు వేదికైంది. ఓ ప్రముఖ ఛానల్‌లో త్వరలోనే ఈ షో ప్రసారం కానున్న నేపథ్యంలో తాజాగా ప్రోమోని విడుదల చేశారు. భావోద్వేగంతో కూడిన ఈ వీడియో అందరినీ ఆకట్టుకునేలా ఉంది. కరోనా కారణంగా ఉద్యోగం కోల్పోయిన ఓ అధ్యాపకుడిని కథని చూపించిన తీరు మెప్పిస్తుంది. ‘మీరు గెలుచుకున్న ఈ డబ్బుతో ఏం చేయబోతున్నారు’ అని తారక్‌ అడగ్గా ఆ లెక్చరర్‌ ఇచ్చిన సమాధానం ప్రేక్షకుల హృదయాల్ని హత్తుకుంటోంది. ‘ఇక్కడ మనీతోపాటు మనసుల్ని కూడా గెలుచుకోవచ్చు. ఇక్కడ కథ మీది, కల మీది. ఆట నాది, కోటి మీది. రండి గెలుద్దాం. ఎవరు మీలో కోటీశ్వరుడు’ అంటూ ఎన్టీఆర్‌ చెప్పిన మాటలు విశేషంగా అలరిస్తున్నాయి.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని