Tokyo olympics: షూటింగ్‌లో మరోసారి నిరాశ.. 200మీ. పరుగులో ద్యుతీ ఓటమి - telugu news one more loss in shooting
close
Published : 02/08/2021 12:05 IST
Facebook Share Twitter Share WhatsApp Share Telegram Share Link Share

Tokyo olympics: షూటింగ్‌లో మరోసారి నిరాశ.. 200మీ. పరుగులో ద్యుతీ ఓటమి

టోక్యో: షూటింగ్‌లో పరాజయాల పరంపర కొనసాగుతూనే ఉంది. పురుషుల 50 మీటర్ల రైఫిల్‌ 3 పొజిషన్‌ అర్హత పోటీల్లో భారత్‌కు నిరాశే ఎదురైంది. ఐశ్వరీ ప్రతాప్‌సింగ్‌, సంజీవ్‌ రాజ్‌పుత్‌ తుదిపోరుకు అర్హత సాధించలేదు.

39 మంది తలపడ్డ ఈ అర్హత పోరులో ప్రతాప్‌సింగ్‌ 1167-63X పాయింట్లతో 21వ స్థానంలో నిలిచాడు. నీలింగ్‌లో (మోకాలిపై కూర్చొని) 388, ప్రోన్‌లో 391, స్టాండింగ్‌ (నిలబడి)లో 379 పాయింట్లు సాధించాడు. 9.725 సగటు నమోదు చేశాడు. మరో షూటర్‌ సంజీవ్‌ 32వ స్థానంలో నిలిచాడు. నీలింగ్‌లో 387, ప్రోన్‌లో 393, స్టాండింగ్‌లో 377తో మొత్తం 1157-55X పాయింట్లు సాధించాడు. అతడి సగటు 9.642గా నమోదైంది.

ఇక మహిళల 200మీటర్ల పరుగులో ద్యుతీచంద్‌ నిరాశపరిచింది. తొలిరౌండ్‌, హీట్‌-1లో ఏడో స్థానానికి పరిమితమైంది. 23.85 సెకన్లలో పరుగు పూర్తి చేసింది. ఈ సీజన్‌లో ఆమెకిదే అత్యుత్తమ టైమింగ్‌ అయినప్పటికీ తుది పోరుకు అర్హత సాధించలేదు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని