Parliament Mansoon session: పార్లమెంట్‌ను కుదిపేస్తున్న ‘పెగాసస్‌’ - telugu news opposition rucks in parliament over pegasus issue
close
Published : 23/07/2021 11:37 IST
Facebook Share Twitter Share WhatsApp Share Telegram Share Link Share

Parliament Mansoon session: పార్లమెంట్‌ను కుదిపేస్తున్న ‘పెగాసస్‌’

దిల్లీ: దేశంలో ప్రకంపనలు సృష్టిస్తోన్న ‘పెగాసస్‌’ వ్యవహారం పార్లమెంట్‌ను కుదిపేస్తోంది. ఈ అంశంపై చర్చ జరపాలంటూ ప్రతిపక్షాలు పట్టుబట్టాయి. దీంతో శుక్రవారం కూడా ఉభయసభల్లో గందరగోళం నెలకొంది. విపక్షాల ఆందోళనలతో 15 నిమిషాలకే లోక్‌సభ వాయిదా పడింది. 

ఈ ఉదయం 11 గంటలకు లోక్‌సభ ప్రారంభం కాగానే ప్రతిపక్ష ఎంపీలు ఆందోళనకు దిగారు. పెగాసస్‌ వ్యవహారంపై సుప్రీంకోర్టు పర్యవేక్షణలో విచారణ జరపాలని డిమాండ్‌ చేస్తూ ప్లకార్డులతో నిరసన ప్రదర్శన చేపట్టారు. విపక్షాల నినాదాల నడుమే స్పీకర్‌ ప్రశ్నోత్తరాల గంట చేపట్టారు. అయితే ప్రతిపక్ష ఎంపీలు ప్లకార్డులతో వెల్‌లోకి దూసుకెళ్లి నినాదాలు చేశారు. కరోనా వేళ ఇలాంటి నిరసనలు తగవని, సభా కార్యకలాపాలు సజావుగా సాగనివ్వాలని స్పీకర్ వారిని కోరారు. అయినప్పటికీ వారు వెనక్కితగ్గకపోవడంతో సభ మధ్యాహ్నం 12 గంటల వరకు వాయిదా పడింది.

ప్రశ్నోత్తరాల సమయంలో కరోనా పరిస్థితి, వ్యాక్సినేషన్‌పై ప్రతిపక్షాలు అడిగిన ప్రశ్నకు కేంద్ర ఆరోగ్యమంత్రి మన్‌సుఖ్‌ మాండవీయ సమాధానమిచ్చారు. అటు రాజ్యసభలోనూ ఇదే పరిస్థితి నెలకొంది. పెగాసస్‌, ఇతర అంశాలపై విపక్ష ఎంపీల నిరసనలతో ఛైర్మన్‌ వెంకయ్యనాయుడు సభను మధ్యాహ్నానికి వాయిదా వేశారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని