MAA Elections: సీసీ ఫుటేజీలు పరిశీలిస్తున్న ప్రకాశ్‌రాజ్‌ - telugu news prakash raj visits maa poliing station
close
Updated : 18/10/2021 13:53 IST
Facebook Share Twitter Share WhatsApp Share Telegram Share Link Share

MAA Elections: సీసీ ఫుటేజీలు పరిశీలిస్తున్న ప్రకాశ్‌రాజ్‌

హైదరాబాద్‌: ‘మా’ ఎన్నికల పోలింగ్‌ కేంద్రానికి ప్రముఖ నటుడు ప్రకాశ్‌రాజ్‌ వెళ్లారు. మరో నటుడు బెనర్జీతో కలిసి జూబ్లీహిల్స్‌ పబ్లిక్‌స్కూల్‌కు చేరుకుని పోలింగ్‌ రోజు నాటి సీసీ ఫుటేజీని  పరిశీలిస్తున్నారు. ఎన్నికల రోజు అక్రమాలు జరిగాయంటూ ఇటీవల ప్రకాశ్‌రాజ్‌ సహా ఆయన ప్యానల్‌ ఆరోపణలు చేశారు. ఎన్నికల పోలింగ్‌, ఓట్ల లెక్కింపునకు సంబంధించిన సీసీ ఫుటేజీలు కావాలని డిమాండ్‌ చేశారు. ఈ నేపథ్యంలో ప్రకాశ్‌రాజ్‌ జూబ్లీహిల్స్‌ పబ్లిక్‌ స్కూల్‌లో పోలీసుల సమక్షంలో సీసీ ఫుటేజీలు పరిశీలిస్తున్నారు.

అంతకముందు ప్రకాశ్‌రాజ్‌ మీడియాతో మాట్లాడారు. ఎన్నికల సమయంలో ఉద్రిక్తతలు చోటుచేసుకున్నాయన్నారు. సీసీ ఫుటేజీ పరిశీలించుకోవచ్చని ‘మా’ అధ్యక్షుడు మంచు విష్ణు చెప్పారని.. ఎన్నికల అధికారి కృష్ణమోహన్‌ మాత్రం కోర్టుకు వెళ్లమని సూచించారన్నారు. తమ ఫిర్యాదులపై ఆయన స్పందించడం లేదన్నారు. ‘మా’ ఎన్నికల అధికారితోనే తమకు ప్రధాన సమస్య అని చెప్పారు. ఎన్నికల ఓట్ల లెక్కింపుపై కొన్ని సందేహాలు ఉన్నాయని.. వాటిని నివృత్తి చేసుకోవడానికి పోలింగ్‌ కేంద్రానికి వచ్చినట్లు చెప్పారు. 



Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని