Tokyo Olympics: బంగారు పతకం గెలిస్తే.. ఒక్కొక్కరికీ రూ.2.25 కోట్లు - telugu news punjab hockey players will get huge amount of money if they win gold at tokyo olympics
close
Published : 31/07/2021 01:09 IST
Facebook Share Twitter Share WhatsApp Share Telegram Share Link Share

Tokyo Olympics: బంగారు పతకం గెలిస్తే.. ఒక్కొక్కరికీ రూ.2.25 కోట్లు

చండీగఢ్‌: టోక్యో ఒలింపిక్స్‌లో పాల్గొన్న భారత హాకీ జట్టు బంగారు పతకం సాధిస్తే అందులోని పంజాజ్‌ ఆటగాళ్లకు ఒక్కొక్కరికీ రూ.2.25 కోట్ల చొప్పున భారీ నజరానా అందజేస్తామని ఆ రాష్ట్ర క్రీడాశాఖ మంత్రి రాణా గుర్మీత్‌ సింగ్‌ సోధి శుక్రవారం వెల్లడించారు. తొలుత జట్టు మొత్తానికి రూ.2.25 కోట్లు అని ప్రకటించగా తర్వాత అది పంజాబ్‌ ఆటగాళ్లలో ఒక్కొక్కరికి మాత్రమేనని మంత్రి అధికారిక ప్రకటనలో స్పష్టం చేశారు. టోక్యోలో జరుగుతున్న విశ్వక్రీడల్లో పంజాబ్‌కు చెందిన 11 మంది ఆటగాళ్లు బాగా ఆడుతున్నారని మెచ్చుకున్నారు.

మరోవైపు ఒలింపిక్స్‌లో భారత హాకీ జట్టు వరుస విజయాలతో అదరగొడుతూ క్వార్టర్‌ ఫైనల్స్‌కు దూసుకెళ్లిన సంగతి తెలిసిందే. పూల్‌-ఏలో మొత్తం ఐదు మ్యాచ్‌లు ఆడిన భారత జట్టు నాలుగు విజయాలతో రెండో స్థానంలో నిలిచింది. ఇక ఆస్ట్రేలియా మనకన్నా ముందు నిలిచి పూల్‌-ఏలో అగ్రస్థానంలో నిలిచింది. ఈ రెండు జట్లూ క్వార్టర్స్‌కు అర్హత సాధించాయి. ఈ క్రమంలోనే టీమ్‌ఇండియా ప్రస్తుతమున్న పరిస్థితులు చూస్తుంటే ఏదో ఒక పతకం ఖాయంగా కనిపిస్తోంది. కాగా, భారత హాకీ జట్టు 1980లో చివరిసారి పతకం సాధించింది. ఇక అప్పటి నుంచి మరో పతకం కోసం ఎంతో ఆశతో ఎదురుచూస్తోంది. ఈసారైనా ఒలింపిక్స్‌లో పతకం సాధించాలని అభిమానులు ఆశిస్తున్నారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని