Samantha: పెళ్లి ఫొటోలు డిలీట్‌ చేసిన సామ్‌.. షాక్‌లో ఫ్యాన్స్‌ - telugu news samantha deletes her photos with naga chaitanya from instagram
close
Published : 28/10/2021 14:35 IST
Facebook Share Twitter Share WhatsApp Share Telegram Share Link Share

Samantha: పెళ్లి ఫొటోలు డిలీట్‌ చేసిన సామ్‌.. షాక్‌లో ఫ్యాన్స్‌

హైదరాబాద్‌: టాలీవుడ్‌ స్టార్‌ హీరోయిన్‌ సమంత (Samantha) నెటిజన్లను ఒక్కసారిగా షాక్‌కు గురిచేశారు. గతంలో ఇన్‌స్టా వేదికగా షేర్‌ చేసిన తన పెళ్లినాటి ఫొటోలను తాజాగా సామ్‌ తొలగించారు. దశాబ్దకాలంగా ప్రేమ, నాలుగేళ్ల వైవాహిక బంధానికి స్వస్తి పలుకుతూ పరస్పర అంగీకారంతో విడిపోతున్నట్లు అక్టోబర్‌ 2న సామ్‌, నాగచైతన్య (Naga Chaitanya) ప్రకటించిన విషయం తెలిసిందే. ఆనాటి నుంచి వీరిద్దరూ ఇండస్ట్రీలో హాట్‌ టాపిక్‌గా మారారు. ఈ నేపథ్యంలోనే తాజాగా సమంత.. తన ఇన్‌స్టా ఖాతా నుంచి చైతన్యతో కలిసి దిగిన ఫొటోలు తొలగించారు.

రానా ఎంగేజ్‌మెంట్‌, పెళ్లి వేడుకల్లో చైతన్యతో దిగిన ఫొటోలు, న్యూ ఇయర్‌ రోజు గోవాలో దిగిన ఫొటోలతోపాటు నిశ్చితార్థం, పెళ్లి (కేవలం హిందూ సాంప్రదాయంలో జరిగిన పెళ్లివి మాత్రమే) చిత్రాలను సమంత ఇన్‌స్టా వేదికగా డిలీట్‌ చేసేశారు. అక్కినేని, దగ్గుబాటి కుటుంబసభ్యులతో ఉన్న ఫొటోలు మాత్రం అలాగే ఉంచారు. దీంతో అభిమానులు ఆవేదనకు లోనవుతున్నారు. మరోవైపు సామ్ ప్రస్తుతం దుబాయ్‌ టూర్‌లో ఉన్నారు. తన స్టైలిష్ట్‌ ప్రీతమ్‌ జుకల్కర్‌, మేకప్‌ ఆర్టిస్ట్ సద్నాసింగ్‌లతో కలిసి ఆమె టూర్‌కు వెళ్లారు. దీనికి సంబంధించిన కొన్ని ఫొటోలను ఆమె ఇన్‌స్టా వేదికగా షేర్‌ చేశారు.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని