crime news: సర్కారు బడిలోనే నాటు సారా బట్టీ - telugu news sara preparation in the school premises
close
Updated : 24/07/2021 17:46 IST
Facebook Share Twitter Share WhatsApp Share Telegram Share Link Share

crime news: సర్కారు బడిలోనే నాటు సారా బట్టీ

నిజాంపట్నం: గుంటూరు జిల్లాలో నాటుసారా మాఫియా బరితెగించింది. ఏకంగా పాఠశాల ప్రాంగణంలోనే నాటుసారా తయారు చేస్తుండగా స్పెషల్‌ ఎన్‌ఫోర్స్‌మెంట్‌ బ్యూరో అధికారులు పట్టుకున్నారు. నిజాంపట్నం మండలం హారీస్‌పేట ప్రాథమిక పాఠశాలలో ఈ ఘటన జరిగింది.

కరోనా లాక్‌డౌన్‌ కారణంగా గత కొంతకాలంగా పాఠశాలకు సెలవు కావడంతో తెరవడంలేదు. ఇదే అదునుగా భావించిన నాటు సారా తయారీదారులు దర్జాగా.. పాఠశాల ఆవరణలోనే సారా తయారీ బట్టీ పెట్టారు. పాఠశాల గదికి బయట తాళం వేసి లోపల గ్యాస్‌ స్టవ్‌లతో నాటు సారా తయారు చేస్తున్నారు. విషయం తెలుసుకున్న ఎస్‌ఈబీ సీఐ శ్రీనివాసరావు తన బృందంతో కలిసి దాడులు నిర్వహించారు. ముగ్గురిని అరెస్టు చేసి నాటు సారాతో పాటు, దాని తయారీకి ఉపయోగించే ముడిసరకులను స్వాధీనం చేసుకున్నారు. పాఠశాల ప్రాంగణంలో నాటు సారా తయారీ వంటి అనైతిక కార్యక్రమాలకు పాల్పడే వారిపై కఠిన చర్యలు తీసుకుంటామని సీఐ శ్రీనివాసరావు హెచ్చరించారు.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని