Jai Bhim: ఓటీటీకే సూర్య మొగ్గు.. కొత్త చిత్రం ఎప్పుడంటే? - telugu news suriya latest film jai bhim on ott
close
Published : 05/08/2021 14:32 IST
Facebook Share Twitter Share WhatsApp Share Telegram Share Link Share

Jai Bhim: ఓటీటీకే సూర్య మొగ్గు.. కొత్త చిత్రం ఎప్పుడంటే?

ఇంటర్నెట్‌ డెస్క్‌: ప్రముఖ కథానాయకుడు సూర్య ఓటీటీవైపు మొగ్గుచూపారు. తన తదుపరి చిత్రం ‘జై భీమ్‌’ని నేరుగా అమెజాన్‌ ప్రైమ్‌ వేదికగా విడుదల చేస్తున్నట్టు గురువారం ప్రకటించారు. ఈ సినిమా తమిళ, తెలుగు భాషల్లో నవంబరు నుంచి స్ట్రీమింగ్‌ కానుంది. తేదీని ఇంకా ఖరారు చేయలేదు. టి.ఎస్‌.జ్ఞానవేల్‌ దర్శకత్వంలో రూపొందుతున్న చిత్రమిది. 2డీ ఎంటర్‌టైన్‌మెంట్స్‌ పతాకంపై సూర్య, జ్యోతిక నిర్మిస్తున్నారు. ఇందులో గిరిజనుల తరఫున పోరాడే న్యాయవాదిగా కనిపించనున్నారు సూర్య. ఇప్పటికే విడుదలైన ఫస్ట్‌లుక్‌ విశేషంగా ఆకట్టుకుంటోంది. ఈ చిత్రంలో రజిషా విజయన్‌ నాయికగా నటిస్తోంది. ప్రకాశ్‌ రాజ్‌, మణికందన్‌ తదితరులు కీలక పాత్రలు పోషిస్తున్నారు. సీన్‌ రోల్డాన్‌ సంగీతం అందిస్తున్నారు. కథానాయకుడిగా సూర్యకి ఇది 39వ చిత్రం. ‘ఆకాశం నీ హద్దురా’ వంటి సూపర్‌ హిట్ తర్వాత సూర్య నుంచి వస్తున్న చిత్రం కావడంతో ‘జై భీమ్‌’పై కోలీవుడ్‌, టాలీవుడ్‌లో ఆసక్తి నెలకొంది. ఈ సినిమాతోపాటు సూర్య-జ్యోతిక నిర్మించిన ‘ఓ మై డాగ్‌’ (తెలుగు, తమిళం), ‘ఉడన్‌పిరప్పే’ (తెలుగు, తమిళం), ‘రామే రావనే’ (తమిళం) చిత్రాలూ అమెజాన్‌లో స్ట్రీమింగ్‌ కానున్నాయి.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని