Tokyo Olympics: హాకీలో అదరగొడుతున్న టీమ్‌ఇండియా - telugu news tokyo olympics indian hockey team completes pool engagements after beating japan
close
Published : 30/07/2021 18:34 IST
Facebook Share Twitter Share WhatsApp Share Telegram Share Link Share

Tokyo Olympics: హాకీలో అదరగొడుతున్న టీమ్‌ఇండియా

టోక్యో: టోక్యో ఒలింపిక్స్‌లో భారత పురుషుల హాకీ జట్టు వరుస విజయాలతో అదరగొడుతోంది. శుక్రవారం పూల్‌-ఏ విభాగంలో జపాన్‌తో తలపడిన భారత్‌ 5-3 తేడాతో మరో అద్భుత విజయాన్ని తన ఖాతాలో వేసుకుంది. దాంతో పూల్‌-ఏలో టీమ్‌ఇండియా.. ఆస్ట్రేలియా తర్వాత నాలుగు విజయాలతో రెండో స్థానంలో నిలిచింది. ఈ క్రమంలోనే క్వార్టర్‌ ఫైనల్స్‌కు దూసుకెళ్లింది. కాగా, ఈ పూల్‌లో మొత్తం ఐదు మ్యాచ్‌లు ఆడిన భారత్‌ కేవలం ఆస్ట్రేలియాతోనే 1-7 తేడాతో ఓటమిపాలైంది.

మరోవైపు టీమ్‌ఇండియా ఈ మ్యాచ్‌లో ఆది నుంచీ ఆధిపత్యం చెలాయించింది. గుర్జంత్‌ సింగ్‌ రెండు గోల్స్‌ సాధించి జట్టు విజయంలో కీలక పాత్ర పోషించాడు. తొలుత 17వ నిమిషంలో ఒక స్ట్రైక్‌ చేసిన అతడు తర్వాత 56వ నిమిషంలోనూ మరో స్ట్రైక్‌ సాధించాడు. ఈ క్రమంలోనే హర్మన్‌ప్రీత్‌ సింగ్‌ 13వ నిమిషంలో, శంషర్‌ సింగ్‌ 34వ నిమిషంలో, నీలకంఠ శర్మ 51వ నిమిషంలో గోల్స్‌ సాధించారు. మధ్యలో జపాన్‌ గట్టి పోటీనిచ్చినా చివర్లో భారత ఆటగాళ్లు పుంజుకొని ఆధిపత్యం చెలాయించారు. దాంతో పూల్‌-ఏలో రెండో స్థానంలో నిలిచి క్వార్టర్స్‌కు అర్హత సాధించారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని