Tokyo Olympics: రజతంతో మెరిసిన రవి దహియా - telugu news tokyo olympics ravi dahiya wins silver
close
Updated : 05/08/2021 18:28 IST
Facebook Share Twitter Share WhatsApp Share Telegram Share Link Share

Tokyo Olympics: రజతంతో మెరిసిన రవి దహియా

టోక్యో: ఒలింపిక్స్‌లో భారత పతాకం మరోసారి రెపరెపలాడింది. పురుషుల 57 కేజీల ఫ్రీస్టైల్‌ రెజ్లింగ్‌ ఫైనల్స్‌లో బంగారు పతకం సాధిస్తాడని ఆశించిన రవి కుమార్‌ దహియా తుదిపోరులో రష్యాకు చెందిన యుగేవ్‌ జావుర్‌ చేతిలో 4-7 తేడాతో ఓటమిపాలయ్యాడు. దాంతో ఈ ఒలింపిక్స్‌లో భారత్‌కు తొలి రజతం సాధించిన అథ్లెట్‌గా ప్రత్యేక గుర్తింపు సాధించాడు. రవి ఫైనల్స్‌లో ఓటమిపాలైనా తన పోరాట పటిమతో అభిమానుల గుండెల్లో చిరస్థాయిగా నిలిచాడు. ఇక 2012 తర్వాత పురుషుల రెజ్లింగ్‌ విభాగంలో భారత్‌కు పతకం రావడం ఇదే తొలిసారి. 2008 బీజింగ్‌ ఒలింపిక్స్‌లో కాంస్యం సాధించిన సుశీల్‌కుమార్‌ తర్వాత 2012లో రజతంతో మెరిశాడు.

రవి ఈ ఒలింపిక్స్‌లో తొలి రౌండ్‌లో కొలంబియాకు చెందిన టైగ్రెరాస్‌ ఉర్బానోపై 13-2తేడాతో గెలుపొంది తర్వాత క్వార్టర్‌ ఫైనల్స్‌లో బల్గేరియాకు చెందిన జియోర్గి వాలెంటినోవ్‌ను 14-4తో చిత్తు చేశాడు. ఈ క్రమంలోనే సెమీస్‌లో కజకిస్థాన్‌కు చెందిన నురిస్లామ్‌ సనయేవ్‌ను పిన్‌డౌన్‌ (ఫాల్‌) చేసి 7-9 తేడాతో విజేతగా నిలిచాడు. చివరికి ఫైనల్స్‌లో స్వర్ణంతో మెరుస్తాడని ఆశించినా రష్యన్‌ రెజ్లర్‌ నుంచి గట్టి పోటీ ఎదురైంది. దాంతో ఈ యువ భారత రెజ్లర్‌ వెండి పతకం సాధించాడు. దీంతో ఒలింపిక్స్‌లో భారత్‌ తరఫున ఐదో పతకం సాధించిన రెజ్లర్‌గానూ రవి కొత్త రికార్డు నెలకొల్పాడు. అంతకుముందు 1952లో కేడీ జాధవ్‌ తొలిసారి భారత్‌కు రెజ్లింగ్‌లో కాంస్యం అందించాడు. ఆపై 2008, 2012లో సుశీల్‌కుమార్‌, అదే ఏడాది యోగేశ్వర్‌దత్‌ మరో కాంస్యం, 2016 రియో ఒలింపిక్స్‌లో మహిళా రెజ్లర్‌ సాక్షి మాలిక్‌ కాంస్యం సాధించారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని