UPSC Exam: అప్పుడు అక్కకు మొదటి ర్యాంకు.. ఇప్పుడు చెల్లికి 15.. - telugu news upsc 2015 topper tina dabis sister ria got 15 rank in civils
close
Published : 25/09/2021 16:24 IST
Facebook Share Twitter Share WhatsApp Share Telegram Share Link Share

UPSC Exam: అప్పుడు అక్కకు మొదటి ర్యాంకు.. ఇప్పుడు చెల్లికి 15..

దిల్లీ: 2015 యూపీఎస్‌సీ పరీక్షా ఫలితాల్లో అక్క మొదటి ర్యాంకు సాధించి చరిత్ర సృష్టించింది. అక్క నుంచి స్ఫూర్తి పొందిన చెల్లి.. అదే బాటలో నడిచింది. తాజాగా విడుదలైన సివిల్స్‌ ఫలితాల్లో 15వ ర్యాంకును సొంతం చేసుకుని.. అక్కకు తగ్గ చెల్లెలు అనిపించుకుంది. ఇంతకీ ఈ సోదరీ‘మణులు’ ఎవరో తెలుసా..? వారే టీనా దాబి, రియా దాబి.

రియా సివిల్స్‌లో విజేతగా నిలిచిన విషయాన్ని టీనా ఇన్‌స్టాగ్రాం వేదికగా వెల్లడించారు. ‘నా సోదరి రియా దాబి సివిల్స్‌లో 15వ ర్యాంకు సాధించింది. ఈ విషయాన్ని మీతో పంచుకుంటున్నందుకు చాలా సంతోషంగా ఉంది’ అంటూ రాసుకొచ్చారు. ఈ ఇద్దరు కూడా దిల్లీలోని లేడీ శ్రీరామ్ కళాశాలోనే చదువుకున్నారు. ఇంకో విషయం ఏంటంటే.. సివిల్స్ పరీక్షలో అగ్రస్థానంలో నిలిచిన తొలి దళిత మహిళగా టీనా పేరు అప్పట్లో మార్మోగింది. ప్రస్తుతం ఆమె రాజస్థాన్‌ ప్రభుత్వంలో ఆదాయపన్ను శాఖలో పనిచేస్తున్నారు. 

ఇక, శుక్రవారం సాయంత్రం విడుదలైన సివిల్స్ పరీక్షా ఫలితాల్లో బిహార్‌కు చెందిన శుభం కుమార్ మొదటి ర్యాంకు సాధించారు. మొత్తం పది లక్షల మంది అభ్యర్థులు పోటీపడగా.. 761 మంది విజయం సాధించారు. వరంగల్‌కు చెందిన శ్రీజ 20వ ర్యాంకు సొంతం చేసుకున్నారు. తెలుగు రాష్ట్రాల నుంచి 40 మంది ఉత్తీర్ణులుగా నిలవడం గమనార్హం.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని