Narappa: అభిమానులూ.. ఈసారి థియేటర్లలోనే సందడి! - telugu news venkatesh about narappa
close
Published : 30/07/2021 20:47 IST
Facebook Share Twitter Share WhatsApp Share Telegram Share Link Share

Narappa: అభిమానులూ.. ఈసారి థియేటర్లలోనే సందడి!

ఇంటర్నెట్‌ డెస్క్‌: ‘నా కెరీర్‌లో ఎన్నో ఛాలెంజింగ్‌ పాత్రలు పోషించాను. కానీ ‘నారప్ప’కి కనెక్ట్‌ అయినట్టు ఏ పాత్రకీ కాలేదు’ అని సినీనటుడు వెంకటేశ్‌ అన్నారు. శ్రీకాంత్‌ అడ్డాల దర్శకత్వంలో వెంకటేశ్‌ నటించిన చిత్రం ‘నారప్ప’. ఇటీవల అమెజాన్‌ ప్రైమ్‌ వేదికగా విడుదలై, విశేష ప్రేక్షకాదరణ పొందుతోంది. ఈ సందర్భంగా సక్సెస్‌ మీట్‌ని ఏర్పాటు చేసింది చిత్ర బృందం. ఈ సందర్భంగా కథానాయకుడు వెంకటేశ్‌ మాట్లాడుతూ.. ‘‘నారప్ప’ని ఇంతగా ఆదరిస్తున్న తెలుగు ప్రేక్షకులకి మనస్ఫూర్తిగా కృతజ్ఞతలు తెలియజేస్తున్నా. నా కెరీర్‌లో ఎన్నో ఛాలెంజింగ్‌ పాత్రలు పోషించాను. ఎప్పుడూ ఏ పాత్రలో ఇంతగా లీనమవని నేను ‘నారప్ప’తో బాగా కనెక్ట్‌ అయ్యాను. మాతృక ‘అసురన్‌’ హక్కులు ఇచ్చినందుకు దర్శకుడు వెట్రిమారన్‌, నటుడు ధనుష్‌కి ఈ సందర్భంగా థ్యాంక్స్‌ చెబుతున్నా. నా సహ నటులు, దర్శకుడు, సాంకేతిక బృందం ఎంతో కష్టపడ్డారు. నాకు ఈ చిత్రం కొత్త అనుభూతిని పంచింది. థియేటర్లలో విడుదల చేయలేదనే బాధలో ఉన్నా అభిమానులు ఆదరించారు. ఈసారి తప్పకుండా మరో చిత్రంతో థియేటర్లలో వినోదం పంచుతా’ అని అన్నారు. ఈ కార్యక్రమంలో ప్రియమణి, శ్రీకాంత్‌ అడ్డాల, కార్తీక్‌ రత్నం, రచ్చ రవి తదితరులు పాల్గొని ప్రేక్షకులకి థ్యాంక్స్‌ చెప్పారు. దర్శకుడు అనిల్‌ రావిపూడి ముఖ్య అతిథిగా విచ్చేశారు. ‘వెంకటేశ్‌ మాస్‌ చిత్రాలు చేయగలరు.. క్లాస్‌ చిత్రాలూ చేయగలరు’ అని అన్నారు. 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని