ఇంటర్నెట్‌ డెస్క్: వైష్ణవ్‌ తేజ్‌, కృతిశెట్టి జంటగా నటించిన చిత్రం ‘ఉప్పెన’. బుచ్చిబాబు దర్శకత్వంలో తెరకెక్కిన ప్రేమకథా చిత్రం ఈ ఏడాది ఫిబ్రవరి 12న తెరపైకి వచ్చి ప్రేక్షకుల్ని మెప్పించింది. తాజాగా చిత్రానికి సంబంధించి ‘‘ఈశ్వర పరమేశ్వరా.. చూడరా ఇటు చూడరా’’ అంటూ సాగే ఫుల్‌ వీడియో సాంగ్‌ని చిత్రబృందం విడుదల చేసింది. చంద్రబోస్‌ కలం నుంచి జాలువారిన ఈ పాటకి దేవిశ్రీ ప్రసాద్‌ ఆలపిస్తూ సంగీత స్వరాలు సమకూర్చారు. మైత్రీ మూవీ మేకర్స్, సుకుమార్ రైటింగ్స్ కలిసి నిర్మించిన ఈ సినిమాలో విజయ్‌ సేతుపతి ప్రతినాయకుడిగా నటించి మెప్పించారు.