Corona: చేతిలో చేయి వేసుకొని.. నిమిషం వ్యవధిలోనే భార్యాభర్తల మృతి! - vaccinated michigan couple die of covid 19 holding hands minute apart
close
Published : 29/09/2021 02:05 IST
Facebook Share Twitter Share WhatsApp Share Telegram Share Link Share

Corona: చేతిలో చేయి వేసుకొని.. నిమిషం వ్యవధిలోనే భార్యాభర్తల మృతి!

మిషిగన్​: అతడి వయస్సు 59.. ఆమె వయస్సు 66. వీరి దాంపత్యం అన్యోన్యంగా సాగింది. కానీ కరోనా మహమ్మారి​ వారి జీవితానికి ఓ శాపంలా మారింది. కొవిడ్‌ సోకడంతో ఇద్దరూ ఒకేసారి ఆసుపత్రిలో చేరారు. కొన్నాళ్లు చికిత్సపొందిన ఆ దంపతులిద్దరూ చేతిలో చేయి వేసుకుని ఒక్క నిమిషం వ్యవధిలోనే ఈ లోకాన్ని వీడారు. వివరాల్లోకి వెళ్తే.. అమెరికాలోని మిషిగన్‌కు చెందిన కాల్‌ డన్హమ్​ (59), లిండా(66) ఈ నెల తొలి వారంలో అనారోగ్యంతో కొంత ఇబ్బంది పడ్డారు. అయినప్పటికీ కుటుంబంతో కలిసి ట్రిప్​కు వెళ్లారు. అక్కడ వారికి జ్వరం, జలుబు తీవ్రమైంది. మూడు రోజులకే ట్రిప్​ను అర్ధాంతరంగా ముగించుకొని ఇంటికి చేరారు.

ఆ ట్రిప్​ నుంచి వచ్చిన కొన్ని రోజులకే దంపతులిద్దరూ తీవ్ర అనారోగ్యంతో ఆసుపత్రిలో చేరారు. కాగా వారిద్దరికీ కొవిడ్​ పాజిటివ్‌గా నిర్ధారణ అయ్యింది. వైద్యులు కొన్ని రోజుల పాటు వారిని వెంటిలేటర్​పై ఉంచి చికిత్స అందించారు. అయినా ప్రయోజనం లేకపోయింది. చికిత్స పొందుతుండగా ఆరోగ్య పరిస్థితి విషమించడంతో సోమవారం ఉదయం 11:07 గంటలకు కాల్​ డన్హమ్ మృతిచెందగా.. ఆ తర్వాత ఒక్క నిమిషానికే.. అంటే 11:08 గంటలకు భార్య లిండా కూడా తుదిశ్వాస విడిచారు. ఆ సమయంలో వారిద్దరు చేతిలో చెయ్యి వేసుకునే ఉన్నారు. కొవిడ్​పై పోరాటం కోసం ప్రతి ఒక్కరు టీకా తీసుకోవాలని ప్రోత్సహించే కాల్​, లిండా మృతితో స్థానికంగా విషాద ఛాయలు నెలకొన్నాయి. వీరిద్దరూ టీకా రెండు డోసులూ తీసుకున్నారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని