Corona: డెల్టా ప్లస్‌ వేరియంట్‌పై కన్నేసి ఉంచాం: పాల్‌ - vaccination to scale up from next week keeping an eye on delta plus variant says vk paul
close
Published : 15/06/2021 21:02 IST
Facebook Share Twitter Share WhatsApp Share Telegram Share Link Share

Corona: డెల్టా ప్లస్‌ వేరియంట్‌పై కన్నేసి ఉంచాం: పాల్‌

దిల్లీ: దేశ వ్యాప్తంగా కరోనా ఉద్ధృతి తగ్గుతున్న క్రమంలో  డెల్టా ప్లస్‌ వేరియంట్‌పై ఓ కన్నేసి ఉంచామని నీతి ఆయోగ్‌ సభ్యుడు వీకేపాల్ వెల్లడించారు. మరోవైపు వ్యాక్సినేషన్‌ కార్యక్రమం కూడా వేగంగా కొనసాగుతోందని తెలిపారు. కేంద్ర వైద్యారోగ్యశాఖ అధికారులతో కలిసి దిల్లీలో ఆయన మీడియాతో మాట్లాడారు. వివిధ రాష్ట్రాలు లాక్‌డౌన్‌ను  సడలిస్తున్న నేపథ్యంలో ప్రజలు అప్రమత్తంగా వ్యవహరించాలని, లాక్‌డౌన్‌ నిబంధనలను కచ్చితంగా పాటించాలని ఆయన సూచించారు.

కరోనా డెల్టా ప్లస్‌ వేరియంట్ గత మార్చి నుంచే ప్రభావం చూపిస్తోందని, దీని గురించి పెద్దగా ఆందోళన చెందాల్సిన అవసరం లేదని వీకేపాల్‌ అభిప్రాయపడ్డారు. ఇండియన్‌ సార్స్‌ కోవ్‌-2 (INSACOG) ద్వారా వైరస్‌ ఉనికిని కనిపెట్టాలన్నారు. ప్రస్తుతం ఈ వైరస్‌ వేరియంట్‌ వ్యాప్తి రేటు చాలా తక్కువగా ఉందన్నారు. ‘‘ మన దేశంలో ప్రస్తుతం ఎదుర్కొంటున్న కరోనా వేరియంట్‌ 2020లో వ్యాప్తి చెందిన వైరస్‌ కంటే చాలా వేగంగా విస్తరించింది. భవిష్యత్‌లో ఎలాంటి వేరియంట్లు పుట్టుకొచ్చినా ఎదుర్కొనేందుకు కసరత్తు చేయాల్సిన అవసరం ఉంది. వైరస్‌ ప్రవర్తనను అంచనా వేసి దానికి అనుగుణంగా మరిన్ని జాగ్రత్తలు తీసుకోవాలి’’ అని తెలిపారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని