ఆస్ట్రాజెనెకా టీకా వేయించుకున్న బ్రిటన్‌ ప్రధాని - very good very quick: uk pm receives first dose of astrazeneca vaccine
close
Updated : 20/03/2021 09:52 IST
Facebook Share Twitter Share WhatsApp Share Telegram Share Link Share

ఆస్ట్రాజెనెకా టీకా వేయించుకున్న బ్రిటన్‌ ప్రధాని

లండన్‌: ప్రతి ఒక్కరూ తమ వంతు వచ్చినప్పుడు కరోనా వైరస్‌ టీకా తీసుకోవాలని బ్రిటన్‌ ప్రధాని బోరిస్‌ జాన్సన్‌ విజ్ఞప్తి చేశారు. ఆయన శుక్రవారం తొలిడోసు టీకా తీసుకున్నారు. లండన్‌లో సెయింట్‌ థామస్‌ ఆస్పత్రిలో ఆస్ట్రాజెనెకా టీకాను వేయించుకున్నారు. అంతేకాకుండా తాను తీసుకోవడం ద్వారా ఈ టీకా సురక్షితమేనని ప్రజల్లో భరోసా కలిగించారు. ఈ మేరకు ఆయనే ట్విటర్‌ వేదికగా వెల్లడించారు.

‘టీకా వేయించుకోవడం మంచి అనుభూతిని కలిగించింది. టీకా ప్రక్రియ చాలా త్వరగా అయిపోయింది. ప్రజలు సైతం ప్రతి ఒక్కరూ తమ వంతు వచ్చినప్పుడు.. కేంద్రానికి వెళ్లి టీకా వేయించుకోవాలి. టీకా తీసుకోవడం మీకు, మీ కుటుంబానికి మంచి పరిణామం. ఆస్ట్రాజెనెకా టీకా వినియోగానికి ఐరోపాకు చెందిన శాస్త్రవేత్తలు అనుమతిని పునరుద్ధరించారు’ అని జాన్సన్‌ తెలిపారు. మరోవైపు ఫ్రాన్స్‌‌ ప్రధాని జీన్‌ కాస్టెక్స్‌ సైతం ఆస్ట్రాజెనెకా టీకాను వేయించుకున్నారు. అనంతరం ఓ టీవీతో మాట్లాడుతూ.. ‘కొవిడ్‌ ముప్పు నుంచి బయటపడేందుకు.. టీకా వేయించుకోవడమే అత్యుత్తమం’ అని జీన్‌ పేర్కొన్నారు.

బ్రిటన్ ప్రధాని బోరిస్‌ జాన్సన్‌ గతేడాది కరోనా వైరస్‌ బారిన పడిన విషయం తెలిసిందే. లండన్‌లోని సెయింట్‌ థామస్‌ ఆస్పత్రిలో వారం రోజులు చికిత్స పొందారు. తాను ప్రాణాలతో బయటపడటానికి వైద్యులే కారణమని జాన్సన్‌ అప్పట్లో అన్నారు.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని