కొవిడ్‌ టీకా తీసుకున్న ఉపరాష్ట్రపతి - vice president corona vaccine
close
Published : 01/03/2021 15:03 IST
Facebook Share Twitter Share WhatsApp Share Telegram Share Link Share

కొవిడ్‌ టీకా తీసుకున్న ఉపరాష్ట్రపతి

చెన్నై: దేశంలో రెండోదశ వ్యాక్సిన్‌ పంపిణీ కార్యక్రమంలో భాగంగా 60 ఏళ్లు పైబడిన వారికి ఈ రోజు నుంచి టీకా ఇవ్వనున్న విషయం తెలిసిందే. ఈ నేపథ్యంలో ఉపరాష్ట్రపతి వెంకయ్యనాయుడు సోమవారం చెన్నైలో కొవిడ్‌ టీకా తొలి డోసును తీసుకున్నారు. ఈ మేరకు ఆయన తన ట్విటర్‌ ఖాతాలో వెల్లడించారు. గత మూడు రోజులుగా తమిళనాడులో పర్యటిస్తున్న వెంకయ్యనాయుడు  సోమవారం చెన్నైలోని ప్రభుత్వ వైద్య కళాశాలలోని వ్యాక్సిన్‌ కేంద్రంలో టీకా తీసుకున్నారు.

తొలి డోసు తీసుకున్న 28 రోజుల తర్వాత తాను రెండో డోసును తీసుకుంటానని ఆయన ట్విటర్‌లో తెలిపారు. టీకా తీసుకొనేందుకు అర్హులైన వారందరూ తమంతట తామే ముందుకురావాలన్నారు. కరోనాకు వ్యతిరేకంగా జరిగే పోరాటంలో ప్రతి ఒక్కరు పాలుపంచుకోవాలని ఈ సందర్భంగా ఆయన పిలుపునిచ్చారు.

రెండో దశ టీకా పంపిణీలో భాగంగా ప్రధాని మోదీ ఈ రోజు ఉదయం ఆరు గంటలకు దిల్లీలోని ఎయిమ్స్‌లో టీకా తొలి డోసు తీసుకున్నారు. ఈ మేరకు ఆయన ట్విటర్‌లో ప్రకటించారు. కొవిడ్‌కు వ్యతిరేకంగా మన దేశ వైద్యులు, శాస్త్రవేత్తలు చేస్తున్న కృషిని ప్రధాని కొనియాడారు.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని