Australia: లాక్‌డౌన్‌కు వ్యతిరేకంగా నిరసనలు.. పోలీసులపై దాడి - violent covid protesters march on streets of melbourne attack the police
close
Published : 19/09/2021 01:34 IST
Facebook Share Twitter Share WhatsApp Share Telegram Share Link Share

Australia: లాక్‌డౌన్‌కు వ్యతిరేకంగా నిరసనలు.. పోలీసులపై దాడి

మెల్‌బోర్న్‌: ఆస్ట్రేలియాలో కరోనా వైరస్‌ ఉద్ధృతి కొనసాగుతున్న నేపథ్యంలో అక్కడి పలు నగరాల్లో ప్రభుత్వం లాక్‌డౌన్‌ విధించింది. అయితే మెల్‌బోర్న్‌లో లాక్‌డౌన్‌ ఎత్తివేయాలంటూ ప్రజలు రోడ్లెక్కారు. దాదాపు వేయి మంది రోడ్లపైకి చేరి లాక్‌డౌన్‌ ఎత్తివేయాలంటూ ప్రభుత్వానికి వ్యతిరేకంగా నిరసన చేపట్టారు. వారిని అదుపుచేసేందుకు పోలీసులు రంగంలోకి దిగడంతో అక్కడ ఉద్రిక్త పరిస్థితులు నెలకొన్నాయి. దీంతో పలువురిని అరెస్టు చేశారు.

మెల్‌బోర్న్‌లో విధించిన లాక్‌డౌన్‌కు వ్యతిరేకంగా అక్కడి ప్రజలు నిరసనలకు పిలుపునిచ్చారు. దీంతో కొవిడ్ ఆంక్షలను ఉల్లంఘిస్తూ.. సుమారు వెయ్యి మంది ప్రజలు రోడ్లపైకి చేరి ప్రదర్శన చేపట్టారు. వారిని అడ్డుకునేందుకు రెండువేల మంది పోలీసులు ప్రయత్నించారు. నిరసనకారులను అడ్డుకునేందుకు పెప్పర్‌ స్ప్రే ప్రయోగించారు. దీంతో అక్కడ ఘర్షణ వాతావరణం నెలకొంది. అడ్డుకున్న పోలీసులపై దాడికి పాల్పడ్డారు. వారిపై రాళ్లు, సీసాలు రువ్వారు. ఈ ఘటనలో దాదాపు 10 మంది పోలీసులకు గాయాలయ్యాయి. ఈ నేపథ్యంలోనే 235 మందిని పోలీసులు అదుపులోకి తీసుకున్నారు.

కొవిడ్ విజృంభిస్తుండటంతో మెల్‌బోర్న్‌లో ఆరోసారి లాక్‌డౌన్‌ విధించారు. గత నెల 6వ తేదీ నుంచి ఆరో లాక్‌డౌన్‌ కొనసాగుతోది. శనివారం కొత్తగా 535 కొవిడ్‌ కేసులు నమోదవగా, 19 మంది మృతిచెందారు. ఇదిలా ఉండగా.. లాక్‌డౌన్‌కు వ్యతిరేకంగా సిడ్నీలో కూడా ఆందోళనలు జరిగాయి. 32 మందిని పోలీసులు అదుపులోకి తీసుకున్నారు. బ్రిస్బేన్‌, పెర్త్‌లోనూ లాక్‌డౌన్‌కు వ్యతిరేకంగా ప్రజలు ర్యాలీలు నిర్వహించారు.





మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని