Lockdown.. ఆ వార్తలు అవాస్తవం - viral post on complete lockdown fake clarifies centre
close
Updated : 01/05/2021 12:24 IST
Facebook Share Twitter Share WhatsApp Share Telegram Share Link Share

Lockdown.. ఆ వార్తలు అవాస్తవం

దిల్లీ: దేశంలో కరోనా రక్కసి విరుచుకుపడుతున్న నేపథ్యంలో మే 3 నుంచి దేశవ్యాప్తంగా లాక్‌డౌన్‌ విధించనున్నారంటూ గత కొన్ని రోజులుగా సోషల్‌మీడియాలో జోరుగా ప్రచారం సాగుతోంది. అయితే దీనిపై తాజాగా కేంద్రం స్పందిస్తూ వదంతులను కొట్టిపారేసింది. ఈ మేరకు ప్రెస్‌ ఇన్ఫర్మేషన్‌ బ్యూరో(పీఐబీ) ఫ్యాక్ట్‌చెక్‌ చేసి స్పష్టతనిచ్చింది. 

‘‘మే 3వ తేదీ నుంచి మే 20 వరకు దేశంలో పూర్తి లాక్‌డౌన్‌ విధించనున్నారంటూ సోషల్‌ మీడియాలో పోస్టులు వైరల్‌ అయ్యాయి. కానీ, నిజమేంటంటే.. ఆ పోస్టులు పూర్తిగా అవాస్తవం. కేంద ప్రభుత్వం అలాంటి ప్రకటనేమీ చేయలేదు’’ అని పీఐబీ ట్విటర్‌ వేదికగా వెల్లడించింది. దేశంలో కరోనా ఉద్ధృతి నేపథ్యంలో ఏప్రిల్ 20న ప్రధానమంత్రి నరేంద్రమోదీ ప్రసంగిస్తూ.. లాక్‌డౌన్‌ చివరి అంశం కావాలి అన్నారు. ఆ తర్వాత నుంచి సోషల్‌మీడియాలో దీనిపై ప్రచారం మొదలైంది. మే 3 నుంచి లాక్‌డౌన్‌ పెట్టనున్నారని ఓ టీవీ ఛానల్‌ ప్రసారం చేసినట్లుగా ఉన్న పోస్టులు ఇటీవల వైరల్‌ అయ్యాయి. అయితే తాము అలాంటి వార్తలేమీ ప్రసారం చేయలేదని సదరు టీవీ ఛానల్‌ పేర్కొంది.

లాక్‌డౌన్‌ అవసరం ప్రస్తుతానికి లేదని కేంద్ర ప్రభుత్వం ఇప్పటికే పలుమార్లు స్పష్టం చేసింది. గత గురువారం కేంద్ర హోంశాఖ స్పందిస్తూ.. కేసులు ఎక్కువగా ఉన్న జిల్లాల్లో కంటైన్‌మెంట్‌ జోన్లు ఏర్పాటు చేయాలని రాష్ట్రాలు, కేంద్రపాలిత ప్రాంతాలకు సూచించింది. మే 31 వరకు కరోనా ఆంక్షలను అమలు చేయాలని స్పష్టం చేసింది.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని