WTC Final: కోహ్లీకి ఇబ్బందులు తప్పవు! - virat kohli will struggle in wtc final says
close
Published : 08/06/2021 01:27 IST
Facebook Share Twitter Share WhatsApp Share Telegram Share Link Share

WTC Final: కోహ్లీకి ఇబ్బందులు తప్పవు!

ఇంటర్నెట్‌ డెస్క్‌: సౌథాంప్టన్‌లో పరిస్థితులు స్వింగ్‌, సీమ్‌కు అనుకూలిస్తే టీమ్‌ఇండియాకు ఇబ్బందులు తప్పవని న్యూజిలాండ్‌ మాజీ సారథి గ్లెన్‌ టర్నర్‌ అన్నాడు. సారథి విరాట్‌ కోహ్లీతో పాటు బ్యాట్స్‌మెన్‌ అంతా శ్రమించాల్సి వస్తుందన్నాడు. గతంలో న్యూజిలాండ్‌కు వచ్చిన ఆ జట్టు తమ పేసర్ల ధాటికి తట్టుకోలేకపోయిందని వెల్లడించాడు.

‘విరాట్‌ కోహ్లీ ఇబ్బందుల గురించి చెప్పాలని అనుకోవడం లేదు. పిచ్‌, పరిస్థితులు సీమ్‌, స్వింగ్‌కు అనుకూలిస్తే మాత్రం అతడు ఇబ్బంది పడతాడు. అతడితో పాటు ఇతర బ్యాట్స్‌మెన్‌కూ తిప్పలు తప్పవు. న్యూజిలాండ్‌లో గతంలో ఇదే జరిగింది. అందుకే మరోసారీ పరిస్థితులే కీలకం కానున్నాయి’ అని టర్నర్‌ అన్నాడు.

‘ఏదేమైనా ఆటగాడి బ్యాటింగ్‌ టెక్నిక్‌, నైపుణ్యాల్లో సొంతదేశం పరిస్థితుల ప్రభావం ఉంటుందనడం నిజం. ఈ మధ్యకాలంలో భారత్‌లో పిచ్‌లు సీమ్‌కు అనుకూలిస్తున్నా న్యూజిలాండ్‌ పరిస్థితులతో పోల్చలేం. గత పర్యటనలో టీమ్‌ఇండియా ఇక్కడికి వచ్చినప్పుడు ఇదే బయటపడింది. ఇంగ్లాండ్‌ పరిస్థితులు సాధారణంగా న్యూజిలాండ్‌ తరహాలో ఉంటాయి’ అని టర్నర్‌ పేర్కొన్నాడు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని