‘శాండ్‌ కీ ఆంఖ్‌’ అనే బయోపిక్‌లో నటించి ఆకట్టుకుంది తాప్సి. అందులో 70 ఏళ్ల   వయసున్న వృద్ధురాలిగా కనిపించింది. ఇప్పుడు మరో బయోపిక్‌లో తాప్సి నటించే అవకాశాలున్నట్లు తెలుస్తోంది. భారత మహిళా క్రికెట్‌ జట్టు మాజీ కెప్టెన్‌ మిథాలీ రాజ్‌ జీవితకథతో వయాకామ్‌ 18 సంస్థ ఓ చిత్రాన్ని తెరకెక్కించనుంది. మిథాలీ పాత్రలో తాప్సి కనిపించనున్నట్లు సమాచారం. దీనికి సంబంధించి నిర్మాణ సంస్థ తాప్సితో చర్చలు జరుపుతోందని, ఆమె కూడా ఈ చిత్రంపై ఆసక్తితో ఉందని వినిపిస్తోంది. త్వరలోనే దీనిపై అధికారిక ప్రకటన వచ్చే అవకాశముంది. కాగా ఈ చిత్రానికి దర్శకుడెవరన్న విషయంపై ఇంకా స్పష్టత రాలేదు.