zareen khan: ఆ కామెంట్లు తట్టుకోలేకపోయా! - i was told to put on weight for veer says zareen khan
close
Updated : 17/06/2021 17:36 IST
Facebook Share Twitter Share WhatsApp Share Telegram Share Link Share

zareen khan: ఆ కామెంట్లు తట్టుకోలేకపోయా!

ఏదీ శాశ్వతం కాదని అర్థమైంది: జరీన్‌ఖాన్‌

ముంబయి: బాలీవుడ్‌ స్టార్‌ హీరో సల్మాన్‌ఖాన్‌ ప్రధాన పాత్రలో నటించిన ‘వీర్‌’తో వెండితెరకు కథానాయికగా ఎంట్రీ ఇచ్చారు నటి జరీన్‌ఖాన్‌. మొదటి సినిమాతో పరాజయం చవిచూసిన జరీన్‌ అనంతరం పలు బాలీవుడ్‌, దక్షిణాది చిత్రాల్లో నటించినప్పటికీ గుర్తింపు తెచ్చుకోలేకపోయారు. ఈ నేపథ్యంలో తాజాగా జరీన్‌ఖాన్‌.. తన మొదటి సినిమా అనుభవాన్ని గురించి ఇలా చెప్పుకొచ్చారు.

‘నాకు 20 సంవత్సరాల వయసు ఉన్నప్పుడు ఇండస్ట్రీలోకి అడుగుపెట్టాను. అన్ని విషయాలపై ఇప్పటితరం యువతకు ఉన్న అవగాహన అప్పట్లో నాకు లేదు. దాంతో ఇండస్ట్రీలో ప్రతి విషయం నాకు కొత్తగానే ఉండేది. నిజం చెప్పాలంటే సెట్‌లోకి అడుగుపెట్టిన మొదటిరోజు.. కెమెరా ఎక్కడ ఉంటుందో కూడా నాకు తెలియలేదు. సినిమాపై నాకెలాంటి అవగాహన లేదు. కానీ సినీ పరిశ్రమలో ఎంతో అనుభవం కలిగిన వ్యక్తులతో నా మొదటి సినిమా చేశాను. దాంతో సినిమా పరంగా ఎవరు ఏం చెప్పినా వినేదాన్ని. ‘వీర్‌’ షూట్‌ సమయంలో కొంతమంది బరువు పెరగమని చెప్పారు. ఆ మాట ప్రకారమే బరువు పెరిగాను. వాళ్లు చెప్పినట్లే కెమెరా ముందు నటించాను. కానీ, సినిమా విడుదలయ్యాక.. చాలామంది నా శరీరాకృతి గురించి విపరీతమైన కామెంట్లు చేశారు. అప్పట్లో నా శరీర బరువు ఓ జాతీయ సమస్యలా మారింది. అందరూ నా బరువు గురించే మాట్లాడుకున్నారు. దాంతో ఎంతో బాధపడ్డాను. కొంతకాలానికి వాటిని పట్టించుకోవడం మానేశాను. ఏదీ శాశ్వతం కాదని ఈ ఇండస్ట్రీ నాకు నేర్పించింది. సినిమా సినిమాకీ అభిప్రాయాల్లో మార్పులు వచ్చేస్తాయి. కాబట్టి ఏదీ హృదయానికి దగ్గరగా తీసుకోకూడదని తెలుసుకున్నాను’ అని జరీన్‌ఖాన్‌ వివరించారు.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని