అప్పుడు ఒకటే పరుగు: ‘రామాయణం’ సీత
close
Published : 12/06/2020 18:13 IST
Facebook Share Twitter Share WhatsApp Share Telegram Share Link Share

అప్పుడు ఒకటే పరుగు: ‘రామాయణం’ సీత

దిల్లీ: అత్యంత ప్రజాదరణ పొందిన టీవీ సీరియల్‌ రామాయణానికి సంబంధించిన ఈ చిత్రాన్ని చూశారా? ఈ సన్నివేశం వెనుక ఓ ఆసక్తికరమైన విషయం ఉందంటూ రామాయణం సీత దీపికా చిఖ్‌లియా అప్పటి జ్ఞాపకాలను గుర్తుచేసుకున్నారు. ‘‘ఆ రోజు మేము షూటింగ్‌లో బిజీగా ఉన్నాం. అప్పటి వరకు మామూలుగానే ఉన్న  కెమెరామెన్‌ అజిత్‌ నాయక్‌ ఓ షాట్‌ అనంతరం.. కంగారుగా మావద్దకు పరుగెత్తుకుంటూ వచ్చి మేము నిల్చున్న చెట్టు కింద నుంచి వెంటనే బయటకు రావాలని.. ఆ ప్రదేశం నుంచి వెంటనే వెళ్లిపోవాలని చెప్పాడు. ఆయన కంగారును చూసి మాతోపాటు దర్శకుడు రామానంద్‌ సాగర్‌ కూడా ఆశ్చర్యానికి గురయ్యారు. ఇంతకీ ఏం జరిగిందని అందరూ అయోమయంలో ఉండగా... ఆయన చెట్టుపై ఉన్న ఓ పెద్ద పామును చూపించారు. దానితో ప్రాణాలు అరచేతిలో పెట్టుకుని మేమందరం అక్కడి నుంచి పరుగు మొదలుపెట్టాం. ఇలాంటివి ఎన్నో జ్ఞాపకాలు రామాయణంతో ముడిపడి ఉన్నాయి.’’ అని దీపిక నాటి సంఘటనను వివరించారు.

మూడు దశాబ్దాల క్రితం ప్రజలు నీరాజనాలు పట్టిన రామాయణాన్ని.. కరోనా వైరస్‌ లాక్‌డౌన్‌ సందర్భంగా ప్రజల కోరిక మేరకు దూరదర్శన్‌ మళ్లీ ప్రతిరోజూ ఉదయం, సాయంత్రం ప్రసారం చేస్తోన్న సంగతి తెలిసిందే. కాగా, ప్రపంచంలోనే అత్యధిక మంది వీక్షించిన కార్యక్రమంగా రామాయణం సీరియల్‌ ఇటీవల గిన్నిస్‌ రికార్డుల కెక్కి తన సత్తాను మరోసారి చాటింది.


Tags :

మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని