ఇంటర్నెట్‌ డెస్క్‌: శర్వానంద్ హీరోగా కిశోర్‌ తెరకెక్కిస్తోన్న చిత్రం ‘శ్రీకారం’. ప్రియాంక అరుళ్‌ మోహన్‌ కథానాయిక. యువ కథానాయకులు నితిన్‌, నాని, వరుణ్‌ తేజ్‌ చేతుల మీదుగా చిత్ర ట్రైలర్‌ తాజాగా విడుదలైంది. రైతు పాత్రలో శర్వానంద్‌ ఆకట్టుకుంటున్నారు. ప్రియాంక అందం కనువిందు చేస్తోంది.

నగరంలో ఓ పెద్ద కంపెనీలో ఉద్యోగం చేసే యువకుడు గ్రామానికి వచ్చి ఎందుకు వ్యవసాయం చేశాడు? అందుకు దారితీసిన పరిస్థితులు ఏంటి? వ్యవసాయం చేయడం వల్ల ఎలాంటి పరిస్థితులు ఎదుర్కొన్నాడు? తెలియాలంటే ‘శ్రీకారం’ చూడాల్సిందే. శర్వానంద్‌ వ్యవసాయం గురించి చెప్పే సంభాషణలు మెప్పిస్తున్నాయి. 14 రీల్స్‌ ప్లస్‌ పతాకంపై రామ్‌ ఆచంట, గోపీ ఆచంట నిర్మించారు. మిక్కీ జె.మేయర్‌ స్వరాలు సమకూర్చిన ఈ చిత్రం శివరాత్రి కానుకగా మార్చి 11న విడుదల కానుంది. ఆద్యంతం ఆసక్తిగా సాగుతున్న ఈ ట్రైలర్‌ని మీరూ చూసేయండి.. !