హైదరాబాద్‌: నటీనటులు సందీప్‌ కిషన్‌, లావణ్య త్రిపాఠి జంటగా నటిస్తోన్న చిత్రం ‘ఏ1 ఎక్స్‌ప్రెస్‌’. హాకీ క్రీడా నేపథ్యంలో తెరకెక్కుతోన్న ఈ చిత్రానికి జీవన్‌ కానుకొలను దర్శకత్వం వహిస్తున్నారు. ఇప్పటికే విడుదలైన ఈ సినిమా ట్రైలర్‌, సింగిల్‌ కింగులమ్‌ అనే పాట ప్రేక్షకులను ఎంతగానో ఆకట్టుకున్నాయి. ఈ నేపథ్యంలో తాజాగా ఈ సినిమా నుంచి రెండో సాంగ్‌ను చిత్రబృందం సోషల్‌మీడియా వేదికగా విడుదల చేసింది. ‘సండే మండే ఏ రోజైనా.. వారం మొత్తం నీ ధ్యాసేగా’ అంటూ ఈ సాగే పాటకు రామజోగయ్య శాస్త్రి లిరిక్స్‌ అందించారు. తన 25వ చిత్రంగా తెరకెక్కుతోన్న ‘ఏ1 ఎక్స్‌ప్రెస్‌’లో సందీప్‌ విభిన్నమైన లుక్‌లో సిక్స్‌ ప్యాక్‌తో కనిపించనున్నారు.

ఇదీ చదవండి

పుష్ప షూట్‌... నాలుగు గంటలే నిద్ర: రష్మిక