నెట్టింట్లో చక్కర్లు కొడుతున్న వరుస కథనాలు

హైదరాబాద్‌: టాలీవుడ్‌, బాలీవుడ్‌లలో వరుస సినిమాలు చేస్తూ స్టార్‌ హీరోయిన్‌గా కొనసాగుతున్న నటి పూజాహెగ్డే. కోలీవుడ్‌లో తెరకెక్కిన ‘ముగముది’తో నటిగా ఇండస్ట్రీకి ఎంట్రీ ఇచ్చిన పూజా ఆ తర్వాత ఇటు తెలుగు.. అటు హిందీలో అవకాశాలు దక్కించుకుంటూ కెరీర్‌లో బిజీగా ఉన్నారు. ఆమె 2012(ముగుముది) తర్వాత కోలీవుడ్‌లో ఏ చిత్రానికి సంతకం చేయలేదు. ఈ క్రమంలోనే దాదాపు ఎనిమిదేళ్ల తర్వాత పూజాహెగ్డే కోలీవుడ్‌లోకి రీ-ఎంట్రీ ఇవ్వనున్నారంటూ వార్తలు వస్తున్నాయి.

‘మాస్టర్‌’ తర్వాత విజయ్‌ తన తదుపరి ప్రాజెక్ట్‌ను నెల్సన్‌ దిలీప్‌కుమార్‌తో చేయనున్నట్లు ప్రకటించిన విషయం తెలిసిందే. విజయ్‌ 65వ చిత్రంగా తెరకెక్కనున్న ఈ సినిమాలో పూజాహెగ్డేను కథానాయికగా తీసుకోవాలని చిత్రబృందం భావిస్తోందట. ఈ మేరకు ఇప్పటికే దర్శకుడు నెల్సన్‌ ఆమెతో సంప్రదింపులు జరిపారని నెట్టింట్లో వార్తలు చక్కర్లు కొడుతున్నాయి. అంతేకాకుండా అరుణ్‌ విజయ్‌ ఇందులో ప్రతినాయకుడిగా కనిపించనున్నారని సమాచారం. అయితే ఆ వార్తలపై ఎటువంటి అధికారిక ప్రకటన వెలువడలేదు.

ఇదీ చదవండి

అప్పట్లో ఎంతో బాధపడ్డా: విజయ్‌ దేవరకొండ