Suriya40 First Look: నిమిషాల వ్యవధిలోనే లక్షల్లో వ్యూస్‌ - etharkkum thunindhavan suriya40 first look
close
Updated : 23/07/2021 07:06 IST
Facebook Share Twitter Share WhatsApp Share Telegram Share Link Share

Suriya40 First Look: నిమిషాల వ్యవధిలోనే లక్షల్లో వ్యూస్‌

ఇంటర్నెట్‌ డెస్క్‌: సూర్య అభిమానులంతా ఈలలు వేసి గోల చేసేందుకు సిద్ధంకండి. తమిళ స్టార్‌ హీరో సూర్య మరోసారి ఊరమాస్‌ పాత్రలో ఉర్రూతలూగించేందుకు సిద్ధమవుతున్నాడు. ఆయన కథానాయకుడిగా నటిస్తున్న తర్వాతి చిత్రం ‘ఎత్తారెక్కుమ్‌ తునిందవన్‌’ పాండిరాజ్‌ దర్శకత్వంలో తెరకెక్కుతోంది. జులై 23న సూర్య పుట్టినరోజు సందర్భంగా చిత్రబృందం ఫస్ట్‌లుక్‌ విడుదల చేసింది. ఈ సినిమాలో సూర్య మరోసారి ఊరమాస్‌గా కనిపించనున్నట్లు ఫస్ట్‌లుక్‌ వీడియో చెప్పేస్తోంది. తెల్ల పంచె, చొక్కా వేసుకొని ఓ చేతిలో ఖడ్గం, మరో చేతిలో తుపాకీతో ఓ షెడ్డులో విలన్లను వెంబడించి వేటాడుతూ సూర్య కనిపించాడు. సూర్య లుక్‌కు తోడు.. అభిమానుల అంచనాలకు ఏమాత్రం తగ్గకుండా మ్యూజిక్‌ డైరెక్టర్‌ ఇమ్మాన్‌ బ్యాక్‌గ్రౌండ్‌ స్కోర్‌ ఇచ్చారు. కాగా.. విడుదలైన నిమిషాల వ్యవధిలోనే ఈ చిత్ర ఫస్ట్‌లుక్‌ వీడియో లక్షల వీక్షణలు సొంతం చేసుకుంది.

గత సినిమా ‘ఆకాశం నీ హద్దురా’ చిత్రంలో కనిపించిన సూర్య ఈ చిత్రంలో పూర్తి భిన్నంగా కనిపించనున్నట్లు తెలుస్తోంది. సామాజిక సందేశం ఇచ్చే ఓ మాస్‌ సినిమాగా దీన్ని తీర్చిదిద్దనున్నారట. ఈ చిత్రాన్ని సన్‌పిక్చర్స్‌ పతాకంపై కళానిధి మారన్‌ నిర్మిస్తున్నారు. ప్రియాంక అరుళ్‌ మోహన్‌ హీరోయిన్‌. సత్యరాజ్‌, శరణ్య, సిబి, జయప్రకాశ్‌ కీలకపాత్రలు పోషించనున్నారు.




మరిన్ని


గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని