EMK: సమంత రూ.25లక్షలు గెలుచుకుందిలా.. కాళ్లకు దండం పెట్టొద్దన్న ఎన్టీఆర్‌! - evaru meelo koteeswarulu tensed up samantha on hot seat
close
Published : 20/10/2021 01:06 IST
Facebook Share Twitter Share WhatsApp Share Telegram Share Link Share

EMK: సమంత రూ.25లక్షలు గెలుచుకుందిలా.. కాళ్లకు దండం పెట్టొద్దన్న ఎన్టీఆర్‌!

హైదరాబాద్‌: ఎన్టీఆర్‌ వ్యాఖ్యాతగా ప్రసారమవుతున్న కార్యక్రమం ‘ఎవరు మీలో కోటీశ్వరులు’(Evaru Meelo Koteeswarulu). ఇటీవల దసరా సందర్భంగా నిర్వహించిన ప్రత్యేక కార్యక్రమానికి అగ్ర కథానాయిక సమంత వచ్చి సందడి చేశారు. ఈ సందర్భంగా ‘చాంప్స్‌ ఎలీసే మార్గంలో నడిచి, ఏ నగరంలో ఆర్క్‌ డి ట్రియోంఫ్‌ని చూడవచ్చు’ అన్న ప్రశ్నకు సమంత సరైన సమాధానం గుర్తించలేకపోయారు. దీంతో 50:50 ఆప్షన్‌కు వెళ్లారు. ఈ సందర్భంగా ‘పారిస్‌’ ఆప్షన్‌ నుంచి ఎంచుకోగా, వేదిక మొత్తం నిశ్శబ్దమైపోయింది. సమంత తెగ టెన్షన్‌ పడిపోగా, ఆమెను ఎన్టీఆర్‌ కాసేపు ఆటపట్టించారు. ‘పారిస్‌ వెళ్తే ఎంతసేపూ షాపింగ్‌ చేసుకుంటూ, ఐఫిల్‌ టవర్‌ చూసేసి, బాగా బ్యాగులు కొని వచ్చేసుంటారు’ అని అనేసరికి సమంత నవ్వేసింది. ‘పారిస్‌’ సరైన జవాబు అని చెప్పడంతో ఆనందపడిపోయింది.

ఇక రూ.25లక్షల ప్రశ్నకు సమాధానం చెప్పి, తెగ ఆనందపడిపోయారు సమంత. ‘నేను జీనియస్‌. మా అమ్మ ఎప్పుడూ నాకు చెప్పేది. కానీ, నేను నమ్మేదాన్ని కాదు. ఇప్పుడు నమ్ముతున్నా’ అని చెప్పుకొచ్చింది. ‘నువ్వు జీనియస్‌ అని, మీ అమ్మగారు చూశారు. నేను నిరూపించా. నీకు సహాయం చేసినందుకు కృతజ్ఞతగా నా కాళ్లకు నమస్కారం పెట్టడం. నా ఫొటో ఇంట్లో పెట్టుకుని పూజలు చేయటం చేయొద్దు’ అని ఎన్టీఆర్‌ చెప్పడంతో షోలో నవ్వులు పూశాయి.





మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని